Хүүхдийн 100,000 төгрөгөөс хасагдсан 9%-д долдугаар сарын 1-нээс олгож эхлэхээр шийдвэрлэсэн. Ингэснээр Монгол Улсын 1.2 сая орчим бүх хүүхдэд сар бүр хүүхдийн мөнгө авдаг болох юм.
Түүнчлэн, Сангийн сайд Б.Жавхлан хүүхдийн мөнгөнөөс хасагдсан 9%-д сүүлийн зургаан сарын мөнгийг нөхөж олгоно хэмээн мэдээлсэн. Тодруулбал 2023 оны нэгдүгээр сараас хойших хүүхдийн мөнгө буюу нэг хүүхдэд 600,000 төгрөгийг нөхөж өгөх ажээ.
Харин долдугаар сарын 1-нээс хүүхдийн мөнгө авах хүсэлтийг хэрхэн гаргах тухай журмыг энэ долоо хоногт Засгийн газар баталсны дараа иргэдэд мэдээлнэ гэдгийг ХНХ-ын сайд Х.Булгантуяа хэлсэн юм.