Сэтгэцийн эрүүл мэндийн үндэсний төвийн сэтгэл засалч эмч Г.Гантулга стрессийн түвшинг бууруулах, тайвшруулах, булчин сулруулах талаар дараах зөвлөгөөг өглөө.
Стрессийн түвшинг бууруулах, тайвшрах, булчин суллахад амьсгалын дасгал чухал байдаг.
Амьсгалын дасгал нь дараах үр дүнтэй:
Булчин сулруулах
Айдас сэтгэл түгшилтийг бууруулах
Өөрийгөө тайвшруулах
Стрессийн төвшинг бууруулах
Амьдралын идэвхийг сайжруулах
Стресээс хурдан ангижрах
Стрессийг даван туулахад тусална.
Дасгалыг өдрийн аль ч цагт, гэр бүлийн бүх гишүүд хийх боломжтой.
Энэ дасгалыг хийх явцад анхаарах зүйлс:
Толгой эргэх, дотор муухайрах зэрэг мэдрэмж илэрвэл дасгалыг түр зогсооно.
Дасгалыг үндсэн гурван байрлалд хийнэ.
Босоо байрлалаар
Суугаа байрлалаар
Хэвтээ байрлалаар
Аль нэг байрлалыг сонгоод зүүн гарын алгаа хэвлий дээрээ тавина.
Дараа нь баруун гараа зүүн гар дээрээ эвтэй байхаар тавина. Амьсгалаа яаж авч байгаагаа болон амьсгалаа хэрхэн зохицуулж байгаагаа мэдэрнэ.
Босоо байрлалаа сонгоод гараа байрлуулсны дараа амьсгалаа хамраараа алгуурхан авна.
Амьсгалаа авахдаа 2-3 секундийн хугацаанд аажмаар авч, 2-3 секундийн хугацаанд түгжинэ.
Амьсгалаа түгжих үедээ “Би тайван байна” гэж бодно. 2-3 секундийн хугацаанд аажмаар, зөөлнөөр амаараа үлээж гадагшлуулна.