Чихрийн шижингийн шалтгаант нүдний өөрчлөлтийг эмчлэхгүй орхивол хараа аажим алдагдаж, төдий хэмжээгээр амьдралын чанар буурдаг хэмээн НЭМҮТ-өөс анхааруулж байна. Иймд чихрийн шижингийн эрсдэлээ үнэлэх хэрэгтэй аж.
Хэрэв эрсдэлийн үнэлгээ:
- 5>Эрүүл амьдралын хэв маягаа хэвшүүлээрэй
- 5≤ Өрх, сумын эрүүл мэндийн төвдөө хандаж өлөн үеийн глюкозын түргэвчилсэн шинжилгээ өгөх хэрэгтэй гэлээ.
ТТАХНЭ-ийн дотоод шүүрлийн их эмч Н.Уянга “Чихрийн шижин өвчний үед юун түрүүнд ам цангах шинж илэрнэ. Мөн их уух, их шээх, нүд бүрэлзэх гэх мэт шинж илэрдэг бөгөөд ийм зовиур ажиглагдвал жил болгон эрт илрүүлдэгт хамрагдах хэрэгтэй. Чихрийн шижин өвчин нэгэнт оношлогдсон бол хяналт хамгийн чухал. Чихрийн шижин оношлогдсон хүн маань өөрөө глюкозоо хоолноос хоёр цагийн дараа, мөн орой унтахын өмнө үзнэ. Аль болох жингээ барих хэрэгтэй. Тэр дундаа хэвлийн таргалалтыг анхаарах шаардлагатай.
Түүнчлэн артерийн даралтыг 130/80-аас дотогш байлгах хэрэгтэй бөгөөд гэрээрээ хянаад явах боломжтой. Эмчийн зөвлөсөн эмийг уух хэрэгтэй” гэсэн юм.
