МТА: Төлсөн татварынхаа 90 хувийг буцаан аваарай

0
142

Монгол Улсын Үндсэн хуульд заасан албан татвар төлөх үүргээ биелүүлсэн татвар төлөгч эрхээ эдэлж, буцаан олголтоо авах боломжтойг татварын байгууллагаас мэдээлэв.

Тодруулбал, “Танай байгууллага тайлангаа хугацаанд нь гаргаад, татвараа бүрэн төлчихвөл төлсөн татварынхаа 90 хувийг буцаан авах эрхтэй болно. 2019 оны шинэ хуулиар татвар ногдох орлого нь 300 саяас 1.5 тэрбум төгрөгийн орлоготой АНН, байгууллагууд 10 хувиар татвар төлөөд, түүнийхээ 90 хувийг буцаан авах боломжтой болсон. Мөн та хуульд заасан бусад хөнгөлөлт болон илүү төлсөн татвараа буцаан авах боломжтой” гэдгийг МТА-ны төлөөлөл хэллээ.

ААНОАТ-ын 22.1, 22.5-р зүйлд заасан хөнгөлөлтийг эдлэх, 28.4-д заасан илүү төлсөн татвараа буцаан авахдаа:

1) Тайлангаа хугацаандаа ирүүлсэн байх

2) Ногдуулсан албан татвараа 02 дугаар сарын 10-ны өдрийн дотор бүрэн төлсөн байх

3) Хуулийн 22.1 болон 22.5.1-д заасан хөнгөлөлт эдлэх бол хуульд зааснаас бусад салбарт үйл ажиллагаа явуулдаг байх шаардлагатай.

Хэрхэн буцаан авах вэ ?

1) ААНОАТ-ын тайлангийн ХМ-02 “Албан татварын хөнгөлөлтийн тооцоолол”-ын хавсралт мэдээг заавал бөглөсөн байх

2) Буцаан олголт авах хүсэлтээ татварын албанд цахимаар заавал илгээсэн байх хэрэгтэй.