Улсын хоёрдугаар төв эмнэлэгт өвдөлт намдаах нэгж нээгдэж, иргэдэд тусламж үйлчилгээг хүргэж эхэлжээ.
Энэ талаар тус эмнэлгийн мэдээгүйжүүлэг, өвдөлт намдаах тасгийн эмч Ш.Энхтүвшин “Улсын хоёрдугаар төв эмнэлэгт өвдөлт намдаах тасаг байгуулагдсан бөгөөд иргэдэд харьяалал харгалзахгүй үйлчилж байна.
Өвдөг, нуруу, мөр, ямарваа нэг хагалгааны дарах үргэлжилсэн өвдөлт, үлд, мэдрэлийн гаралтай өвдөлтийг эмчилнэ. 45-аас дээш насныхан, ялангуяа эмэгтэйчүүдийн өвдөг өвдөх нь их. Мөн өвдөлт нь нэлээн зовиуртай, явахад бэрхшээлтэй байдаг. Энэ асуудлыг манай клиник эмчилгээ хийж, Япон, Солонгос улсад үйлдвэрлэсэн эмийн бодисоор үйлчилж байна.
Түүнчлэн нурууны мэдрэл дагасан өвдөлтийг оношилж, рентген хяналт дор тарилга эмчилгээ хийж байна. Нурууны архаг өвдөлт нь дэлхий нийтэд өндөр хувийг эзэлдэг. Үүний гол шалтгаан нь насжилт, таргалалт, гэмтэл юм. Нурууны архаг өвдөлтийг мэс засал болон эмийн эмчилгээгээр эмчилдэг” гэлээ.