Нүүрсний хулгайн асуудал олон нийтийн анхаарлыг татаж, нүүрсний хулгайчдыг зарлахыг шаардсан залуучуудын жагсаал үргэлжилж байна. Тэгвэл нүүрсний хулгайтай холбоотой Эдийн засаг, хөгжлийн сайд Ч.Хүрэлбаатар дараах байр суурийг илэрхийлэв.
Тэрбээр “Х.Баттулга 2017-2021 онуудад ерөнхийлөгчөөр ажиллахдаа Таван толгойн нүүрсний эзэн шиг л байлаа. “ЭТТ” компани, төмөр замын дарга нар ханарч унаад л, дагаж гүйгээд л, баатар гавьяат болоод л. Өөртэй нь үзэл бодол нэг биш хүмүүсийг шоронгоор айлгаад л. УИХ-ын бизнесмен гишүүд өргөл барьцаа түүнд барьж гүйж, үнэнчээ илтгэж тангараг өргөөд л. Хэсэг хүмүүс өрөөнд нь орохдоо 90 градусаас дээш өнцөг үүсгэж бөхийгөөд л. Женко бол зүгээр л нүүрсний хулгайн автор. Монгол төрийн эмгэнэл.