Өвөлжилтийн бэлтгэл ажлын талаар УИХ-ын гишүүн, Эрчим хүчний сайд Б.Чойжилсүрэн мэдээлэл өглөө.
Тэрбээр “Өвөлжилтийн бэлтгэл ажил ерөнхийдөө хангагдаад дууссан. Ажлын хэсгүүд аймгуудад ажиллаж байна. Эрчим хүчний салбар өвөлд бэлэн. Эрчим хүчний салбарт гурван уурхай бий. Багануур, Шивээ говь, Шарын голын уурхай байна. Эдгээр уурхайд өнөөдрийн байдлаар хүндэрсэн асуудал гэвэл дизель түлшний нөөцгүй болсон байна. Өнөөдрийн УОК-ын хуралдаанаар түр улсын нөөцөөс гаргуулахаар болж байна. Энэ долоо хоногийн сүүлээр ОХУ-аас ороод ирнэ” гэлээ.
Мөн тэрбээр түүхий нүүрсний асуудлаар “Таван толгой түлш” компанийн 51 хувь нь “Эрдэнэс таван толгой” компанийн харьяанд байгаа. Бид арга зүйн хувьд удирддаг. Манай яам хангамж, чанарын асуудлыг хариуцдаг. Түгээлтийг нийслэл, утааны чанарыг байгаль орчны яамнаас асуугаарай” гэв.