Томуу томуу төст өвчний 45 дугаар долоо хоногийн мэдээг НЭМГ-аас танилцууллаа. Томуугийн харуулдан тандалтын нэгжүүдээс ирүүлсэн 212 сорьцонд шинжилгээ хийхэд 21.2%-ийг риновирус, 3.3%-ийг SARS-CoV-2 вирус, 3.3%-ийг улирлын короновирус, 1.8%-ийг иж томуу вирус, 0.9%-ийг хүний метапневмовирус, 0.9%-ийг бокавирус, 0.4%-ийг энтервирус, 0.4%-ийг аденовирус тус тус эзэлж байна.
45 дугаар долоо хоногийн мэдээгээр хамгийн их хувиар илэрсэн риновирусийн халдварын үед,
– Хамрын салст бүрхүүл хавагнаж, хөөх,
– Цусны судас өргөсөх,
– Хамрын нус гоожих, шингэн ихээр ялгарах зэрэг шинж тэмдэг илэрнэ.
Урьдчилан сэргийлэх аргууд
- Амны хаалт зүүх
- Цаг агаартаа тохируулан дулаан хувцаслах,
- Хөнгөн явцтай өвчлөлийн үед хамрын дусаалга хэрэглэх, давс, содны уусмалаар ам хамраа зайлах хэрэгтэй.
- Шим тэжээлтэй хоол идэх, гэрийн дэглэм сахих,
- Шингэн их уух зэрэг ханиад томуугийн үед авдаг арга хэмжээнүүдийг авч болно.
