Хэнтий аймгийн эмч нар жирэмсэн эмэгтэйн давсгийг цоолж шигдсэн спиралийг дурангаар авах мэс засал хийжээ.
Тодруулбал,Хэнтий аймгийн нэгдсэн эмнэлгийн клиникийн профессор, тэргүүлэх зэргийн эмч Л.Мэндбаяр, Д.Мөнхбат, Д.Алтангэрэл болон дүрс оношилгооны их эмч Ц.Цэвээн-Идэр, Ц.Эрдэнэцэцэг нарын хамтарсан баг ховорхон мэс ажилбар хийсэн байна.
Тэд 25 настай зургаан сартай жирэмсэн эмэгтэйн давсаг руу цоорч шигдэн “чулуужсан” ерөндөг буюу спиралийг уян дуран ашиглан шээсний сүвээр дамжуулан авчээ.
