Гэрлэгч хосууд ДНХ-ийн шинжилгээ хийлгэж байж гэрлэлтээ батлуулах хуулийн зохицуулалтыг Гэр бүлийн тухай хуулийн шинэчилсэн найруулгаар зохицуулахаар болжээ. Тодруулбал, ирэх онд батлагдах Гэр бүлийн тухай хуулиар цус ойртолтын асуудлыг шийдэхийн тулд гэрлэгч хосууд ДНХ-ийн шинжилгээ өгөх аж.
Хосууд өөрийн аймаг, харьяа дүүргийнхээ эрүүл мэндийн байгууллага дээр очиж, ах дүү мөн эсэхээ тогтоолгох шинжилгээ өгч байж гэрлэлтийн баталгааг өгдөг болно хэмээн эх сурвалжууд онцолж байна.
Одоогоор манай улсад гэрлэлтээ батлуулахын тулд шаардлагатай бүрдүүлэх материалд харъяа дүүргийн эрүүл мэндийн төвөөс эрүүл мэндийн тодорхойлолт хавсаргадаг. Ингэхдээ БЗХӨ, ДОХ, сүрьеэгийн шинжилгээг мэргэжлийн эмнэлгийн байгууллагад хийлгэсэн байх шаардлага тавьдаг байна.
