АН-ын бүлгээс 2023 оны алдагдалтай төсөв батлахыг эсэргүүцэж мэдээлэл хийлээ.
Тус бүлгийн дарга О.Цогтгэрэл “2023 оны төсвийг АН-ыг зүгээс эсэргүүцэж, төсвийг алдагдалгүй батлахыг шаардсан. Иргэд ядуурч, улсын өр нэмэгдэж, улсаараа дампуурах боллоо. Төсвийн алдагдал их байхаар иргэд ядуурна гэж яагаад яриад байгаа юм бэ гэж зарим хүн гайхаж байж магадгүй. Учир нь улсын өр ихэсч байна. Маш олон сөрөг зүйлс бий.
Төсвийн алдагдлыг дагаад иргэдэд, бизнес эрхлэгчдэд мөнгө очихгүй. Төр данхайна. Ирэх онд хийгдэх төлөвлөлтүүдийг хийх боломж бололцоо бий болохгүй. Тэгэхээр энэ удаагийн Монгол Улсын төсвийг дэмжих боломжгүй. Мэдээж МАН хэт олонх учраас хуулиа батлаад явах байх.
Монгол Улсын хүн амын гурван хүн тутмын нэг нь ядуу гэж үздэг байсан бол одоо хоёр хүн тутмын нэг нь ядуурсан байна. 2023 онд улсаараа дампуурах эрсдэл бий болчихлоо. Эрх баригчид одоо зогс. Бодлогоо өөрчил” хэмээлээ.