Хонконгийн засаг захиргаанаас 2022 оны 8 дугаар сарын 12-ны өдрөөс эхлэн гадаад улсаас ирэх зорчигчдыг 7 хоног тусгаарлан ажиглах байранд /зочид буудал/ тусгаарлаж байсныг 3 хоног болгон бууруулав. Гадаад улсаас ирсэн зорчигч урьдчилан захиалсан тусгаарлах ажиглах байранд 3 хоног тусгаарлагдсаны дараа коронавируст халдвар /Ковид-19/-ын ПГУ шинжилгээ өгч, шинжилгээний хариу “сөрөг” гарсан тохиолдолд 4 хоногийн гэр ажиглалтад шилжих юм.
Гэрийн ажиглалтад байх хугацаанд 4 болон 6 дахь хоногт ПГУ шинжилгээ өгөх шаардлагатай бөгөөд энэ хугацаанд ажилдаа явах, дэлгүүр орох боломжтой юм.
Хонконгийн тусгаарлан ажиглах байрны захиалга, мэдээллийг ЭНД, мөн ЭНД -ээс авах боломжтой гэж Консулын газраас мэдээллээ.
