Өмнөд Солонгосын Ерөнхий сайд баасан гаригт хийсэн мэдэгдэлдээ, тус улс зургадугаар сарын 8-наас эхлэн вакцин хийлгээгүй гадаадын иргэдийг долоо хоног тусгаарлах хорио цээрийн дэглэмийг цуцалж буйгаа онцолжээ.
Гэсэн хэдий ч хил нэвтрэхээс өмнө ПСР шинжилгээ өгч, хариу нь сөрөг гарсан байх, ирснээс хойш 72 цагийн дотор мөн ПСР шинжилгээ өгөх шаардлагыг хэвээр үлдээсэн байна.
Ерөнхий сайд Хан Дак Су тахлын эсрэг хариу арга хэмжээний уулзалтын үеэр хэлэхдээ, “Одоог хүртэл вакцинд хамрагдаагүй гадаадын иргэдийг 7 хоног тусгаарлах шийдвэр үйлчилж байсан. Одоо вакцинжуулалтын байдлаас үл хамааран зургадугаар сарын 8-наас эхлэн энэхүү шаардлагыг цуцална” гэжээ.
Тус улсын COVID-ийн халдварыy нөхцөл байдал харьцангуй тогтворжсон учраас ийнхүү хорио цээрийн дэглэмийг цуцлаж буй ажээ.
Эх сурвалж: Reuters.com
