Ковидын нэгдсэн лавлах 119 төвд ирсэн түгээмэл асуултад хариулт өгчээ.
-Коронавирусын халдвар жирэмсэн эхээс урагт дамжих уу?
-Халдвар жирэмсэн эхээс урагт дамждаг эсэх, цаашид хүүхдэд хэрхэн нөлөөлдөг талаар хангалттай баримт одоогоор байхгүй байна. Уг асуудлыг нарийвчлан судалж байна. Жирэмсэн эмэгтэйчүүд вирусийн халдвараас сэргийлэхийн тулд урьдчилан сэргийлэх арга хэмжээг үргэлжлүүлэн мөрдөж, халуурах, ханиалгах, амьсгалахад хүндрэлтэй зэрэг шинж илэрвэл аль болох эрт эмнэлгийн тусламж авах хэрэгтэй.
-Антибиотик Ковид19-өөс урьдчилан сэргийлэх эсвэл эмчлэхэд үр дүнтэй юу?
-Антибиотикууд вирусын эсрэг үйлчилдэггүй, зөвхөн нянгийн халдварын эсрэг үйлчилдэг. Ковид19 нь вирусээр үүсгэгддэг учир антибиотукууд үр дүнг өгөхгүй. Антибиотикийг халдвараас урьдчилан сэргийлэх, эмчлэх хэрэгсэл болгон ашиглаж болохгүй.
Хүндээр өвчилж, эмнэлэгт эмчлүүлж байгаа хүмүүст ковид19-ийн хүндрэл болох хоёрдогч нянгийн халдвараас урьдчилан сэргийлэх, эмчлэх зорилгоор антибиотик хэрэглэдэг. Эдгээрийг зөвхөн эмчийн зааврын дагуу нянгийн халдварын эмчлэхэд ашиглах ёстой.