Барууны орнууд Оросын байгалийн хий, газрын тосны импортод хориг тавьж эхэллээ. АНУ, Их Британи нефтийг, ЕХ-ноос байгалийн хийн хэрэглээг зогсоож, Украины түрэмгийллийн эсрэг эдийн засгийн хариу арга хэмжээг эрчимжүүлж байна.
АНУ-ын Ерөнхийлөгч Жо Байден энэ алхам нь “Оросын эдийн засгийн гол судсыг онилсон” гэж мэдэгдэлдээ дурьджээ.
Мөн тэрбээр, “Бид Оросын газрын тос, байгалийн хий, эрчим хүчний бүх импортыг хориглож байна. Энэ нь Оросын нефтийг АНУ-ын боомтуудад хүлээн авах боломжгүй болж, Америкийн ард түмэн Путинд дахин хүчтэй цохилт өгнө гэсэн үг” хэмээв. Түүнчлэн Байден АНУ-д шатахууны үнэ нэмэгдэнэ гэдгийг хүлээн зөвшөөрсөн бөгөөд холбоотнуудтайгаа нягт зөвлөлдсөний үндсэн дээр уг шийдвэрийг гаргасныг нэмж хэлэв.
Эрчим хүчний экспорт нь Оросын эдийн засгийн амин чухал эх үүсвэр боловч энэхүү хориг тавьж буй алхам нь барууны хэрэглэгчдэд ч нөлөөлнө. Орос улс Саудын Араб, АНУ-ын дараа дэлхийд гуравт бичигдэх томоохон газрын тос үйлдвэрлэгч орон юм.
Дашрамд дурьдахад дэлхийн томоохон брэндүүд Оросоос гарсаар байгаа бөгөөд хамгийн сүүлд McDonald’s, Coca-Cola уг эгнээнд нэгджээ.
BBC