Хөгжлийн банкнаас олгосон чанаргүй зээлийн мэдээллийг энэ оны нэгдүгээр сарын 20-ны өдөр, Хөгжлийн банкнаас олгосон зээлийн багцын мэдээллийг нэгдүгээр сарын 31-ний өдөр олон нийтэд мэдээлсэн. Харин өнөөдөр тус мэдээллийг шинэчилсэн байна.
Нэгдүгээр сарын 20-ны өдрөөс хойш 22 хоногийн хугацаанд нийт 39 828 377 135 төгрөгийн зээлийн эргэн төлөлт хийгджээ.
Мөн Хөгжлийн банкны зээлтэй холбоотой “Өөрсдөөр нь төлүүлье” хэлэлцүүлэг болж байгаа билээ. Хэлэлцүүлгийн үеэр Хөгжлийн банкны Экспорт, импорт, худалдааны санхүүжилтийн газрын захирал Б.Амгалан “Сод Монгол компани өчигдрийн байдлаар зээлээ төлж барагдуулсан. 3.6 тэрбум төгрөгийн зээл төлсөн.
Мөн “Вояжер минерал ресурсес” уул уурхайн компани өчигдөр 2 тэрбум, өнөөдөр 1.6 тэрбум төгрөг төлөөд зээлээ хаасан.
Өнөөдрийн байдлаар 39 тэрбум төгрөгийн эргэн төлөлт хийгдээд байна. Үүний дийлэнх нь зөрчилтэй, шүүхэд хандсан зээл байсан” гэв.
Одоогийн парламентад сууж буй Ц.Анандбазарын эзэмшдэг “Сод Монгол групп”, Ч.Ундрам гишүүний аавын эзэмшдэг компани болох “Вояжер минерал ресурсес” ХХК Хөгжлийн банкнаас зээл авч байжээ.
