“Бээжин-2022” олимпын багийн уран гулгалтын медаль гардуулах ёслол хойшлогдсон шалтгаан нь Камила Валиевагийн шинжилгээнээс сэргээш илэрсэнтэй холбоотой гэх мэдээлэл гараад байна. Тухайлбал тамирчдын эмчилгээнд ашигладаг триметазидин хэмээх эмийн бодис Валиевагийн цуснаас илэрсэн тухай хэвлэлүүд мэдээлжээ.
“Бээжин-2022” олимпын багийн уран гулгалтын төрөлд ОХУ-ын шигшээ баг тэргүүлсэн. Тэр дундаа уран гулгагч Камила Валиева агаарт дөрвөн удаа эргэх үзүүлбэрийг хоёронтоо амжилттай гүйцэтгэн дээд амжилт тогтоосон билээ.
Дэлхийн сэргээшийн эсрэг агентлаг (WADA) Оросын уран гулгагч Камила Валиевагийн сэргээшийн шинжилгээний талаар тайлбар хийгээгүй байгаа аж. Харин ОХУ-ын Уран гулгалтын холбооны удирдлага, ОХУ-ын спортын яам албан ёсны мэдэгдэл гарах хүртэл энэ талаар тайлбар хийхээс татгалзсан байна.
