Зочны болон унтлагын өрөөнөөс дутахгүй ариун цэврийн өрөөний шийдэл ч чухал байдаг. Тиймээс 2020 оны трэнд болж буй өнгө, загвар ямар чиг хандлагатай байгааг танилцуулж байна.
Модон хийц
Байгалийн модыг ашиглаж гаргасан энэ шийдэл нь плитаны оронд модыг орлуулж, дулаан, тав тухтай орчинг бүрдүүлж байгаагаараа онцлог юм. Хана, тааз бүхий л хэсэг нь байгалийн модоор хийгдэх учраас цэвэр цэмцгэр, орчин үеийн харагдах төдийгүй илүү тухтай байна.
Зайтай харагдах шийдэл
Сүүлийн үед орон сууцны метр талбай багасаж, тэр дундаа ариун цэврийн өрөөг бага зайнд төлөвлөх болсон. Ариун цэврийн өрөөг том зайтай бөгөөд цэгцтэй байлгахын тулд шүүгээ, тавиуруудыг хананд тогтоохыг санал болгож байна. Мөн гоо сайхны хэрэгсэлээ зураг дээр байгаа шиг хананд багахан зай гарган тавих боломжтой. Цэмцгэр зай хэмнэсэн харагдаж байгаа биз.
Трэнд өнгө
Өнгө бол интерьерийн хамгийн чухал хэсэг юм. Тиймээс ариун цэврийн өрөөг бүтээж буй өнгөний хослолуудыг маш оновчтой сонгох хэрэгтэй. Энэ жилийн хүмүүсийн хамгийн их сонирхож байгаа өнгө бол цайвар шаргал юм. Энэ нь аль ч өрөөнд тохирох төдийгүй илүү цэмцгэр харагдуулдаг. Мөн ягаан өнгийг ч сонгож болох юм. /Манай сайтын “Гэрийн тохижилт” буланд тренд өнгөний зохицлын талаар орсон байгаа шүү. /
Ашигтай орон зай
Энэ зөвхөн тухайн өрөөнд л гэсэн ойлголт биш. Жишээлбэл, шүүгээнийхээ хаалганы дотор хэсгийг ашиглаж болно. Үсний сэнс, хайчаа зүүгээд орхиж болохоор дэгээ эсвэл резин тогтоогч мөн тавиур байрлуулах юм бол ариун цэврийн өрөө эмх цэгцтэй болдог. Энэ аргаар гал тогоо, хувцасны шүүгээгээ янзалж болно.
Модерн
Айл бүр орчин үеийн шийдлээр тохижуулсан байдаг байх. Модерн загвар цаг үеэсээ хэзээд хоцордоггүй. Тиймээс энэ жил ч трэнд хэвээр байна.