ЭМДЕГ-ын хэлтсийн дарга А.Мөнхтуяагийн өвдөгний үе солих мэс заслын тусламж, үйлчилгээний зардлын хөнгөлөлтийн талаар өгсөн мэдээллийг сийрүүлэн хүргэж байна.
ЭМДЕГ-ын хэлтсийн дарга А.Мөнхтуяа “Эрүүл мэндийн даатгалын үндэсний зөвлөлийн баталсан 03 дугаар тогтоол хэрэгжиж эхэлсэнтэй холбоотойгоор ЭМД-ын сангаас үзүүлж буй тусламж үйлчилгээний хамтын төлбөрт нилээдгүй өөрчлөлт орсон. Үүнээс онцолж өвдөгний үе солих мэс заслын тусламж, үйлчилгээний талаарх мэдээллийг хүргэе.
Өвдөгний үе солих мэс заслын тусламж, үйлчилгээний нийт зардал 6.4 сая орчим төгрөгөөр тогтоогдсон. Иргэн даатгуулагч 25 хувийг өөрөөсөө гаргана. Харин үлдсэн 75 хувийг нь ЭМДС-гаас хариуцан төлөхөөр байгаа.
Эрүүл мэндийн даатгалын шимтгэлийг нь төрөөс хариуцдаг иргэд буюу 0-18 насны хүүхэд, тэтгэвэр тэтгэмжээс өөр мөнгөн орлогогүй иргэд, хоёр хүртэлх насны хүүхдээ өсгөж байгаа эцэг эх, хугацаат цэргийн албан хаагч, хөгжлийн бэрхшээлтэй иргэн, нийгмийн халамж дэмжлэг зайлшгүй шаардлагатай иргэдийн зардлыг 100 хувь ЭМДС-гаас хариуцдаг.
Иргэн та энэхүү тусламж үйлчилгээг авахын тулд даатгалаа төлсөн байх шаардлагатай. Мөн тухайн үйлчлүүлж буй эмнэлэг тань ЭМДЕГ-тай гэрээтэй эсэхийг заавал шалгана уу” гэв.
