“Истанбулын бэр” киногоор үзэгчдийн танил болсон Туркийн залуу жүжигчин Эбру Шахины талаарх мэдээллийг хүргэж байна.
Хүүхэд нас, залуу нас
Эбру Шахин 1994 оны 5-р сарын 18-нд Туркийн Истанбул хотод төрсөн. Бага байхдаа тэрээр тэшүүр, гүйлт, волейбол, сагсан бөмбөг зэрэг олон спортоор хичээллэдэг байжээ.
Тэрээр эхлээд Истанбулын их сургуулийг спортын шинжлэх ухааны чиглэлээр сурч төгссөн. Үүний дараа жүжигчний мэргэжлээр сурч, хажуугаар нь зар сурталчилгаанд тоглож эхэлсэн байна. Охиныг мөрөөдлөө биелүүлэхэд нь дэмжлэг үзүүлээгүй тул Эбру ихэнх найзуудтайгаа муудалцаж байжээ. Гэвч хожим бүгд хэний зөв болохыг ойлгож, харилцаагаа сэргээсэн гэдэг.
Кино
Эбругийн жүжигчний карьер 2016 онд “Kan Parası” хэмээх кинонд тоглосноор эхэлсэн. Дараа нь тэрээр дайнд оролцож, эх орноо хамгаалахаар шоронгоос суллагдсан хурандаа Ибрахим Кубиз, ахмад Каган Базук нарын тухай өгүүлэх “Savaşçı” хэмээх цувралд туслах дүр бүтээсэн байна.
Харин тэрээр үүний дараа бидний сайн мэдэх “Истанбулын бэр” кинонд тогложээ. Мэдээж энэ кино түүнийг Турк төдийгүй олон оронд алдаршуулсан юм.
2019 онд Эбру “Şuursuz Aşk” хэмээх кинонд тоглосон. Эбру сэргээн засах төвд эмчлүүлж буй Виолет хэмээх охины дүрийг бүтээсэн байна. Харин түүний тоглосон кинонуудаас хамгийн алдартай нь “Hercai” хэмээх цуврал аж.
Хувийн амьдрал
Эбру өмнө нь жүжигчин Толга Сарыташ, Үмит Кантаржилар нартай холбоотой гэгдэг байсан ч өөрөө ямар нэгэн тайлбар өгөөгүй байдаг.
Харин тэрээр өөрийн инстаграмдаа сагсан бөмбөгийн тоглогч Жеди Османтай хамт авахуулсан зургаа нийтэлжээ. Хосууд үерхээд нэг жил болж байгаа гэдгээ хэлсэн байна. Мөн тэд 2022 оны зун хуримаа хийхээр төлөвлөж байгаа хэмээн хэвлэлүүд онцолжээ.
Эбру йог, бясалгал хийж фитнесс, кикбоксоор хичээллэдэг. Тэрээр “би маш завгүй байх дуртай, өдөрт 4 цаг л унтдаг” гэжээ.