Гэр бүл, хүүхэд, залуучуудын хөгжлийн газар, нийслэлийн Эрүүл мэндийн газрын харьяа Наркологийн эмнэлэгтэй хамтран хэрэгжүүлж байгаа “Хорт зуршилгүй залуу” архи тамхины эсрэг аяны талаар мэдээлэл хийлээ.
ГБХЗХГ-ын залуучуудын хөгжлийн газрын дарга О.Сэлэнгэ “Хүүхдийн хүчирхийллийн 77 хувь нь архинаас болдог. Гэмт хэрэг үйлдэгчдийн 50-60 хувь нь архинаас болоод тухайн гэмт хэргийг үйлдсэн байдаг. Хорт зуршилгүй залуу гэсэн цахим үйлчилгээг бий болгож байгаа.
Мэргэжлийн сэтгэл зүйч, наркологийн эмч нар 24 цагаар ажиллана. Мөн 1800-1893 дугаараар дамжуулан мэдээлэл зөвлөгөөг өгнө. Архи, тамхинаас гарах гэж байгаа залуучуудад зориулсан үнэ төлбөргүй үйлчилгээ юм. Гурван төрлийн үйлчилгээг үзүүлнэ. 24 цагаар зөвлөгөө өгч, шаардлагатай тохиолдолд ганцаарчилсан болон бүлгийн үйлчилгээ үзүүлж, хэвтэн эмчлэх боломжийг бүрдүүллээ.
Дэлхий нийтэд нэг өдөрт гурван сая хүн архинаас болж нас барж байна. Манай улсад ч гэсэн энэ асуудлыг авч үзэх цаг нь болсон. Тиймээс залуучууд архи, тамхинаас гарч гангарч байна. Өөрөө санаачилга гаргасан залуучууд хорт зуршлаас маш амархан гардаг. Гадаадад байгаа залуучууд ч “Хорт зуршилгүй залуу” цахим хуудаст нэгдэн энэ үйлчилгээнд хамрагдах боломжтой. Бид нарт хандсан хүмүүсийн мэдээллийг чанд хадгална” гэв.
