Эртэч шувуухай” киногоор үзэгчдийн танил болсон Туркийн үзэсгэлэнт жүжигчин Ознур Серчелерын тухай мэдээллийг хүргэж байна. Тэрээр уг кинонд Санемын эгчийн дүрийг бүтээдэг билээ.
Үзэсгэлэнт бүсгүй 1987 оны 1 -р сарын 1 -нд төрсөн. Тэрээр 2001 онд Мерсин их сургуульд хөгжмийн чиглэлээр суралцаж байгаад 2003 оноос Билкент их сургуульд хөгжим, тайзны урлагийн чиглэлээр үргэлжлүүлэн суралцжээ. Тэрээр багаасаа урлагийн авьяастай байсан тул дуучин болохыг мөрөөддөг байж. Түүний гэр бүлийн талаарх мэдээлэл хэвлэлд тийм ч их байдаггүй. Гэхдээ жүжигчин бүсгүй хоёр дүүтэй.
Тэрээр өөрийгөө үргэлж хөгжүүлж, суралцсаар ирсэн. Ингээд охин 2007 онд загвар өмсөгчдийн тэмцээнд оролцож, өөрийгөө бас нэгэн салбарт сорьсон байна. Харин тэрээр 2011 онд жүжигчин болох гараагаа эхэлжээ.
Ознур анх “Nuri” хэмээх телевизийн цуврал кинонд дүр бүтээжээ. Түүний авьяас чадварыг продюсерууд анзаарсан бөгөөд энэ үеэс л түүний кино карьер эхэлсэн гэдэг.
Түүний нэр хүнд аажмаар өссөн бөгөөд Ознур 2011-2012 онд бүтээгдсэн “Hayat Devam Ediyor” хэмээх киногоор улам алдаршсан байна. Харин тэрээр 2014 онд “Karışık Kaset” кинонд анхны гол дүрээ бүтээжээ. Түүнийг олон улсад таниулсан кино нь та бидний сайн мэдэх “Эртэч шувуухай” юм.
Хувийн амьдрал
Ознур хувийн амьдралынхаа талаар дэлгэрэнгүй мэдээлэл өгдөггүй нэгэн. Олон нийтийн арга хэмжээнд ч оролцдоггүй. Гэхдээ түүнийг нэг залуутай үерхдэг ч гэрлээгүй гэдэг мэдээлэл бий.
Жүжигчин нэгэн ярилцлагадаа одоогоор гэрлэх бодол байхгүй, ажилдаа бүх цагаа зарцуулж байгаа гэжээ. Тэрээр ном унших дуртай бөгөөд сонгодог урлаг сонирхдог. Жүжигчин бүсгүй ярилцлагадаа Антон Павлович Чеховын бүтээлийг биширдэг хэмээжээ. Мөн тэрээр чөлөөт цагаараа олон ангит кино үзэж, хоол хий дуртай аж. Тэрээр мөн аялах сонирхолтой бөгөөд сайн зураач.
Ознур тогтмол дасгал хөдөлгөөн нь түүнийг биеийн галбираа хадгалахад тусалдаг гэсэн байдаг. Тэрээр долоо хоногт 2-3 удаа фитнессээр хичээллэдэг. Охин арьс арчилгаанд онцгой анхаарал хандуулдаг бөгөөд найрлагыг нь сайн шалгадаг гэжээ.
