Энэ удаагийн “Хөтөч” булангаараа дэлхийн топ Их сургуулиудын үнэгүй онлайн сургалтуудын мэдээллийг хүргэж байна.
Онлайн сургалтууд нь ажлын байрны хэтийн төлөвийг сайжруулах, чөлөөт цагаараа мэдлэгээ тэлэх шилдэг аргуудын нэг юм. Олон Их сургуулиуд үнэгүй цахим сургалтуудыг санал болгодог. Эндээс цөөн хэдэн алдартай сургалтуудыг танилцуулж байна.
Харвардын Их сургууль
Shakespeare’s Life and Work: Эндээс Уильям Шекспирийн жүжгийг уншихаас гадна дөрвөн долоо хоногийн турш түүний намтар, түүхээр аялаарай. Энэхүү сургалт нь мөн Элизабетан, Жакобейн түүхийг багтаасан аж.
Justice: Ёс суртахуун ба улс төрийн философийн талаарх 12 долоо хоногийн хууль зүйн цахим сургалт нь сонгодог болон орчин үеийн онолуудын шүүмжлэлт дүн шинжилгээг судалж үзэхэд тустай. Аристотель, Жон Локк, Иммануил Кант, Жон Стюарт Милл, Жон Роулс нарын бичвэрүүдийг унших боломжтой.
The Health Effects of Climate Change: Уур амьсгалын өөрчлөлт нь чухал сэвдүүдийн нэг болоод байна. Энэхүү долоон долоо хоногийн сургалтаар дэлхийн дулаарал хүний эрүүл мэндэд хэрхэн нөлөөлж байгаа, түүний үр нөлөөг бууруулахад хэрхэн оролцож болохыг олж мэдээрэй.
Харвардын Их сургуулийн онлайн сургалтын талаар дэлгэрэнгүйг ЭНД–ээс олж уншаарай.
Калифорнийн Их сургууль, Ирвин
Таны сонирхлыг өдөөх онцлох хэд хэдэн сургалтуудыг дурьдвал:
Better Business Writing in English: Бизнесийн харилцаанд тулгуурласан бичих чадвараа хөгжүүлэхийг хүсвэл үүгээр зочлоорой.
Introduction to Electronics: Электроникийн үндсэн бүрэлдэхүүн хэсгүүд болох диод, транзистор, оп-амперын талаар олж мэдэх боломжтой. Цахилгааны инженерчлэлийн талаар мэдлэг хуримтлуулах хүсэлтэй хүмүүст илүү өгөөжтэй.
Жоржиа мужийн Технологийн Их сургууль
Тус сургууль нь 2012 оноос эхлэн онлайн сургалтуудыг зохион байгуулж эхэлсэн бөгөөд 3.3 сая хүн дэлхийн хэмжээний өргөн сэдвүүдийг судалж, сонирхож байна. Эндээс онцолбол,
Data Analytics in Business: Энэхүү сургалт нь өгөгдөл, бизнесийн анализыг ойлгоход тустай бөгөөд бизнесийн анализын алгоритм, аргачлалыг бодит мэдээллийн багцад ашиглах боломжийг олгоно.
Innovation Leadership: Инновацийн удирдагч болохыг хүсч буй хүмүүст зориулсан зургаан долоо хоногийн сургалт.
Supply Chain principles: Энэхүү 15 цагийн сургалт нь нийлүүлэлтийн сүлжээнд карьераа үргэлжлүүлэх хүмүүст зориулагдсан бөгөөд сүлжээний талаарх ойлголтыг өгнө.
Цахим сургалтын талаарх дэлгэрэнгүйг дараах хаягаас хүлээн аваарай https://www.coursera.org/gatech
Мичиганы Их сургууль
АНУ -ын хамгийн том их сургуулиудын нэг болох Мичиганы Их сургууль нь онлайн сургалтуудыг санал болгодог. Эндээс онцолбол,
Become a Journalist: Report the News: Сэтгүүл зүйн нийгэмд үзүүлэх нөлөөг судлаарай. Мэдээ бичих туршлага, ёс зүйн хэм хэмжээнд суралцах энэхүү сургалт нь ойролцоогоор зургаан сар үргэлжилдэг бөгөөд сэтгүүлчдэд сонирхолтой, өгөөжтэй байдаг.
Write a Feature-Length Screenplay for Film or Television: 20 долоо хоногийн турш бүрэн хэмжээний кино зохиол бичих арга, туршлага, бүтэцтэй танилцаарай.
Art for Games Specialization: Анхан шатны суралцагчдад зориулсан энэхүү сургалт нь 2D болон 3D тоглоомын талаар зургаан сарын хугацаанд суралцах боломжийг олгоно.
Цахим сургалтын талаарх дэлгэрэнгүйг ЭНД дарж авна уу.
Калифорнийн урлагийн дээд сургууль
2020 онд урлагийн сургуулиудаас чансаагаараа 20-д жагссан энэ сургууль мөн үнэгүй цахим сургалтуудыг санал болгодог.
Graphic Design Specialization: Энэхүү зургаан сарын сургалт нь график дизайны шаардлагатай үндсэн ур чадваруудыг заадаг. Мөн мэргэжлийн ажилд чиглэл болох төсөлд хамрагдах боломжтой.
Sharpened Visions: A Poetry Workshop: Энэхүү арван цагийн сургалтааар орчин үеийн яруу найрагчдын шүлэг, найраг, гол нэр томьёог судлах боломжтой. Мөн та бичсэн шүлгээ мэргэжлийн хүмүүст үзүүлж, санал шүүмж авах боломжтой аж.
The Language of Design: Form and Meaning: Энэ хичээлээр график дизайны бүтээлд бодитой дүн шинжилгээ хийж, шүүмжлэлтэй хандаж сурна. Эхлэгчдэд зориулсан сургалт нь ойролцоогоор найман цаг үргэлжилнэ.
Цахим сургалтын талаарх дэлгэрэнгүйг ЭНД дарж авна уу.
Хонконгийн Шинжлэх Ухаан Технологийн Их сургууль
Инженерчлэл, менежмент, бизнесийн чиглэлийн шилдэг их сургуулиудын нэг болох тус сургуулиас санал болгодог цахим сургалтуудаас онцолбол,
Introduction to Fintech: Азийн анхны FinTech MOOC (Massive Open Online Course) дахь санхүүгийн өөрчлөлтийг бий болгоход чиглэсэн инноваци, технологи, зохицуулалтын талаар олж мэдэх боломжтой.
Making Sense of News: Энэхүү зургаан долоо хоногийн сургалт нь шүүмжлэлтэй сэтгэх чадварыг хөгжүүлэх бөгөөд мэдээллийн тайлан дахь найдвартай мэдээллийг олж авахад тустай.
State, Law and the Economy: Хэрэв та эдийн засгийн талаар суралцахыг хүсч байвал энэ курс нь эхлэхэд тохиромжтой.
Цахим сургалтын талаарх дэлгэрэнгүйг ЭНД дарж авна уу.
Массачусетсийн Технологийн Институт (MIT)
Дэлхийн хамгийн нэр хүндтэй сургуулиудын нэг MIT-ийн онцлох цахим сургалтууд гэвэл,
Number theory I: Энэхүү төгсөлтийн түвшний сургалт нь алгебрийн болон аналитик тооны онолын олон сэдвийг хамарна.
Making Books: The Renaissance and Today: 19-р зууны харилцаа холбооны технологи болон өнөөгийн дижитал медиагийн дэвшлийн талаар судлах боломжтой.
Microeconomic Theory and Public Policy: Хэрэв та эдийн засгийн чиглэлээр суралцаж буй бол дэлхийн чансаатай Их сургуулийн цахим сургалтаас суралцаж яагаад болохгүй гэж.
Цахим сургалтын талаарх дэлгэрэнгүйг ЭНД дарж авна уу.
Эх сурвалж: topuniversities
