ОХУ-ын жүдоч Мадина Таймазова 70 кг-ийн жинд барилдан Олимпоос хүрэл медаль хүртсэн юм. Барилдааны үеэр баруун нүдэндээ гэмтэл авсан хэдий ч эцсээ хүртэл тэмцэж, хүрэл медаль хүртсэн Мадинагийн тэсвэр хатуужил дэлхий нийтийг шуугиулж байна.
22 настай Таймазова Японы жүдочтой Токиогийн олимпын хамгийн урт хугацаанд үргэлжилсэн барилдааныг хийсэн. Дэлхийн таван удаагийн аварга Японы Тизуру Арайтай 17 минут барилдаж, Мадина өрсөлдөгчийнхөө боолтод орсон ч тэссээр татами дээр ухаан алдаж ялагдсан юм.
Жүдоч бүсгүй хүрэл медалийн эзэн болсныхоо дараа “Би энэ олимпоос алт авахын төлөө ирсэн. Үүний төлөө өөрийгөө 100 хувь дайчилсан боловч харамсалтай нь амжилтад хүрсэнгүй. Баруун нүд минь хараагүй болсон ч дэвжээнд гарч барилдахад бэлэн байсан.
Мөнгөн медалийн төлөөх барилдааны төгсгөлд өрсөлдөгч маань зөвшөөрөгдөөгүй мэх ашигласан. Гар хугалах аюултай хөшилт хийсэн.
Араи надад хориотой мэх хийж, гарыг минь гэмтээсэн. Би хашгирсан ч шүүгч нар Японы бөхөд арга хэмжээ аваагүй. Би тэсэж, үргэлжлүүлэн барилдсан” гэж ярьжээ.