Хэрэгтэй мэдээлэл хүргэдэг “Хөтөч” булангийнхаа энэ удаагийн дугаараар англи хэлний сонсгол сайжруулахад туслах сайтуудын мэдээллийг бэлтгэлээ.
Гарчиг тус бүр дээр дарж тухайн сайтыг харах боломжтой.
1. SpeechYard
Speechyard бол англи хэл сурч буй хүмүүс “хөгжилтэй” аргаар сонсголоо сайжруулахад нь туслах сайт юм. Видеог үзэж байхдаа дурын үгэн дээр дарах эсвэл орчуулгыг нь үзэх, сонсох боломжтой байдаг. Мөн бичлэгүүдээ сонсоод өөрийгөө шалгаж болно. Энэхүү сайт дээр сонсоод ойлгоход хялбар олон төрлийн кино, богино бичлэгүүд байдаг.
EnglishCentral платформ нь хамгийн шилдэг сайтуудын эгнээнд багтдаг. Та өөрийн түвшин, сонирхолд тулгуурлан санал болгосон видеог үзэх боломжтой. Мөн мэдэхгүй үгээ давхар тэмдэглээд яваарай. Түүнчлэн сайт нь ангилалтай учир өөрийн хүссэн зүйлээ олоход хялбар байдаг. Олон харилцан ярианууд мөн сонсгол, дуудлагаа давхар сайжруулж болохуйц бичлэгүүдийг багтаасан байдгаараа давуу талтай.
LyricsTraining бол гадаад хэлний мэдлэг, чадвараа дуртай дууныхаа үгийг ашиглан хялбар аргаар дээшдүүлэхэд туслах сайт юм. Энэхүү сайт нь тусгай караоке горимтой бөгөөд дууны үгийг харж, сонсон даагаад дуулах боломжийг олгодог. Шинэ үг хэллэг сурахад суралцах, үгсийг нөхөх замаар дасгал хийн дүрмийн ойлголтоо ч дээшлүүлж болох давуу талтай.
4. Player FM
Ухаалаг утастай хүн бүр ашиглахад тохиромжтой сайт юм. Англи хэл сурч буй хүмүүст тохиромжтой сонирхолтой подкастуудыг нь сонсож, сонсголоо сайжруулаарай.
5. ESLvideo.com
Богино хэмжээний кино, клип, сонирхолтой бичлэгүүд гээд төрөл бүрийн сонсгол сайжруулах зүйлсийг багтаасан энэ сайт нь хэрэглэгчдийн санал болгодог шилдгүүдийн эгнээнд багтдаг. Англи хэлний сонсох, ярих, дүрмийн болон үгийн сангийн чадвараа дээшлүүлэх гэж байгаа бол энэхүү сайтаар зочлоорой.
6. Elllo
Энэхүү сайтын онцлог нь англи хэлийг хөгжилтэй хэр нь үр дүнтэй аргаар сурахад оршдог. Сонсох дасгалуудын хичээлийг ЭНД дарж үзээрэй. Мөн уг сайтад дэлхийн өнцөг булан бүрт англи хэлээ сайжруулахаар зорьж буй залуусын бичлэгүүдийг оруулдаг.
7. ESOL Courses
ESOL Courses нь англи хэл сурч байгаа гадаад оюутнуудад тохиромжтой сонсох дасгалуудыг нийтэлсэн байдаг. Үнэгүй хичээлүүдийг үзэж, сонсголоо сайжруулаарай.
8. Talk English
Talk English нь өргөн хүрээний сэдвийг хамарсан сонсох чадварын дасгалуудыг нийтэлсэн байдаг. Дунд болон ахисан түвшний мэдлэгтэй хүмүүст илүү тохиромжтой.
Эх сурвалж: englishpost