“Аз жаргалын хэлтэрхий” олон ангит киноны Жансу Гюрпынарын дүрд тоглосон Tуркийн жүжигчин Лейла Танларын тухай мэдээллийг хүргэж байна.
Лейла 1997 оны 12-р сарын 13 нд Туркийн Истанбул хотод төржээ. Охин багаасаа урлагийн хүн болох хүсэлтэй байж. Тэрээр жүжигчнээс гадна загвар өмсөгч, гимнастикч юм. Лейла 2014-2017 онд бүтээгдсэн “Аз жаргалын хэлтэрхий” цувралаар олон танигдсан. Тэрээр нэгэн ярилцлагада “Би Хазалын дүрд тоглохыг хүссэн ч намайг тоглуулаагүй. Киноны найруулагч намайг Жансугийн дүрд тохирно гэсэн” хэмээжээ.
Охин багаасаа л бүжиглэж, дуулах авьяастай байсан. Тэрээр сургууль байхдаа сургуулийнхаа “Бяцхан лусын дагина” жүжгийн гол дүрд тоглож, улмаар үзэгчдийн алаг ташилтаас гайхалтай мэдрэмж авснаар урлагийн хүн болохоор шийдсэн гэдэг. Охин үүний дараа театрын дугуйланд элсжээ.
Лейла Истанбул дахь “Liceo Italiano” хэмээх ахлах сургуулийг төгссөн. Харин дараа нь “Коч” их сургуулийн Хэвлэл мэдээлэл, дүрслэх урлагийн факультетэд элсэн оржээ. Тэрээр мөн “Style, Elle” сэтгүүлтэй хамтран ажилладаг байна.
Түүний кино урлагийн намтар мэдээж бидний сайн мэдэх “Аз жаргалын хэлтэрхий” цувралаар эхэлсэн. Тэр үед эмэгтэй сургуульдаа сурч, загвар өмсөгчийн ажлаа хийж, кинондоо тоглоод их завгүй байж. Монгол хэлнээ “Аз жаргалын хэлтэрхий” хэмээн орчуулагдсан байдаг тус кино дэлхийн 80 гаруй оронд гарсан бөгөөд 2014-2017 онд кино зураг авалт нь үргэлжилжээ.
Лейла энэ кинонд тоглосныхоо дараа “Mehmed: Bir Cihan Fatihi”, “Şahin Tepesi”, “Ferhat ile Şirin” хэмээх гурван кинонд дүр бүтээжээ.
Хувийн амьдрал
Тэрээр 2016 онд Тарык Эмир Текин хэмээх залуутай үерхэж байжээ. Түүний найз залуу нь Их Британид жүжигчний мэргэжлээр 4 жил сурсан байна. Лейла, Тарык нар бага сургуулиасаа эхлэн найзалсан сайн найзууд аж.
Харамсалтай нь хосууд хэсэг хугацааны дараа салцгаасан. Лейла хувийн амьдралынхаа талаар нээлттэй яриад байдаггүй тул түүний талаар мэдээлэл хэвлэлд цөөн байдаг. Үзэсгэлэнт бүсгүй хүний амьдралын хамгийн чухал зүйл нь өөртөө итгэх итгэл, аз жаргалтай байх чадвар гэж үздэг. Тэрээр мөн хүний үзэл бодол, ажил мэргэжлийг хүндэтгэх ёстой гэдэг байна.