“Аз жаргалын хэлтэрхий” киноны Хазал Гюрпынарын дүрд тоглосон жүжигчин Алина Бозын тухай сонирхолтой мэдээллийг хүргэж байна.
Алина Боз 1998 оны зургадугаар сарын 14-нд Москва хотод төржээ. Түүний ээж Орос, аав нь Болгар-Турк гаралтай хүн юм. Түүний аав нь шинэ ажилд томилогдож, гэр бүл нь Туркэд нүүж ирэхэд охин долоон настай байв.
Түүнийг урлагийн хүн болгохын тулд өвөө нь бүхий л талаар нь тусалж дэмждэг байсан гэдэг. Бага боловсрол эзэмшсэний дараа ирээдүйн алдартан “Gökjet” хэмээх хувийн ахлах сургуульд сурч, хажуугаар нь бүжгийн спортоор хичээллэж эхэлжээ. Харин бүсгүй “Kadir Has” их сургуулийг жүжигчний мэргэжлээр төгсөж, дээд боловсрол эзэмшсэн байна.
Мөн тэрээр кинонд тоглохоосоо өмнө загвар өмсөгчөөр ажиллаж, зар сурталчилгаанд тоглож, олон сэтгүүлийн нүүрийг “чимдэг” байв.
Тэрээр жүжигчний карьераа 2013 онд эхлүүлсэн. Үзэсгэлэнт жүжигчний анхны тоглосон кино нь “Cesur Hemşire аж. Харин үүний дараагаар Алина бидний сайн мэдэх “Аз жаргалын хэлтэрхий” кинонд тогложээ.
Тэрээр Хазал Гюрпынар хэмээх охины дүрийг бүтээж үзэгчдээс өндөр үнэлгээ авсан гэдэг. Уг кино дэлхийн 80 гаруй оронд цацагдсан бөгөөд зураг авалт нь 2014-2017 он хүртэл үргэлжилжээ. Ингэж л залуу жүжигчний талаарх мэдээллийг олон хүн сонирхох болсон байна. Үүнээс гадна тэрээр “Vatanım Sensin”, “Elimi Bırakma”, “Aşk 101”, “Maraşlı” зэрэг Туркийн алдартай кинонуудад дүр бүтээжээ.
Хувийн амьдрал
Үзэсгэлэнтэй, загварлаг бүсгүй Алина 2015 онд Бурак Йорук хэмээх залуутай үерхэж байжээ. Гэвч үүнээс хоёр жилийн дараа хосууд салцгаасан байна. Алина Боз, Бурак Йорук нар 2018 онд эргэн нийлсэн боловч харилцаа нь удаан үргэлжлээгүй гэдэг.
Үүний дараа түүнийг Туркийн хөгжимчин Митхат Кан Озертэй үерхэж байгаа, гэрлэнэ гэх мэдээлэл гарчээ. Хосууд 17 насны зөрүүтэй юм. Алина нэгэн ярилцлагадаа “Үнэнийг хэлэхэд би гэрлэхэд нилээд эрт байна. Хуримаа хийж, эхнэр хүний үүргийг гүйцэтгэхэд хангалттай төлөвшөөгүй байгаа. Митхат бид хоёр гэрлэх гэж яараагүй. Бидний харилцаа эв найрамдалтай, сайхан байгаа” хэмээжээ.
Гэвч сүүлд түүнийг Туркийн жүжигчин Бурак Денизтэй болзож байгаа бөгөөд найз залуугаасаа салсан гэх мэдээллүүд гарчээ.
