Гэрийнхээ дизайныг өөрчилж, шинээр тохижилт хийх гэж байгаа хүмүүст “Хөтөч” булангийнхаа энэ удаагийн дугаарыг зориуллаа. Та дараах сайтуудаас мэдээлэл, шинэ санаа аваарай.
7. This Old House
Энэхүү сайтад хуучин байшинг хэрхэн шинэчлэн зассан тухай мэдээллүүд олон бий. Та мөн энэ сайтын албан ёсны юүтүб сувгаас нь бичлэгүүд үзсэн ч болно.
6. HGTV
HGTV нь телевизээр цацагддаг шиг контентууд нийтэлдэг. Та энэхүү сайтаас хүмүүсийн гэрээ хэрхэн тохижуулсан тухай видеог үзээрэй.
5. DIY Network
DIY Network нь HGTV-тэй адилхан контентууд нийтэлдэг. Та энэхүү сувгаас олон шинэ санааг олж авах болно.
4. One Project Closer
One Project Closer бол хосуудын ажиллуулдаг блог юм. Энэ нь гайхалтай шинэ санаанууд, хэрхэн яаж хийх талаар зөвлөгөө өгсөн байдаг. Мэдээжийн хэрэг тэд блогоороо орлого олдог тул та маш олон зар сурталчилгаа, ивээн тэтгэгчийн бичлэгүүдийг нийтэлдэг. Та түүнд нь өөрөө дүгнэлт хийж, хэрэгтэй санаагаа аваарай.
3. Remodelista
Энэ бол байшингийн дизайн, чимэглэл, засварын ажилд дуртай дөрвөн найзын хөтлөн явуулдаг блог юм. Өөрийнхөө гараар хэрхэн байшингаа засах, ажлаа хэрхэн эхлүүлэх талаар олон сайхан санаанууд өгдөг.
2. Houzz
Энэхүү сайтыг Монголчууд сайн мэдэх байх. Гэр тохижуулахдаа ашиглаж болох хамгийн дажгүй апп юу байна гэж интерьер дизайн сонирхогчид, дизайнеруудын хэнээс нь ч асуусан Houzz хэмээдэг. Houz нь юүтүб суваг, сайт мөн өөрийн гэсэн апликейшнтай. Энэхүү сайт дээр хэрэглэгчийн форум хүртэл байдаг тул та тодорхой асуулт асууж, шаардлагатай мэдээллээ авах боломжтой.
1. The Spruce
Гар урлал, байшингийн дизайн, хоол хүнсний жор, цэцэрлэгжүүлэлт, гэр орноо тохижуулах олон гоё санаанаас эхлээд танд хэрэгтэй бүх зүйл энэ сайтад бий. Дотроо ангилалтай тул хүссэн мэдээллээ авахад хялбар байдаг.
Эх сурвалж: thoughtforyourpenny