Б.Ууганбаяр: Вакцин хийлгээгүй иргэд халдварт илүү өртөж байна

Халдварын нөхцөл байдлын талаар мэдээллээ.

ЭМЯ-ны Хэвлэлийн ажилтан Б.Ууганбаяр: “Вакцинд хамрагдаагүй хүүхэд, насанд хүрэгчдэд халдварын эрсдэл нэмэгдэж байна. Батлагдаж буй тохиолдлуудын дийлэнх нь вакциндаа хамрагдаагүй иргэд байна гэдгийг тандалт, судлагааны багийнхан хэлж байна.

Сүүлийн 24 цагт 7,102 хүнээс шинжилгээ авахад 1,143 тохиолдол илэрч, нийт батлагдсан тохиолдол 60,372 боллоо. Шинээр илэрсэн тохиолдлууд бүгд дотоодын халдвар бөгөөд 1,052 нь Улаанбаатарт, 91 нь орон нутагт бүртгэгджээ. Халдварын зарим нь айл өрхөөс, зарим нь ААН-ээс илэрлээ. Айл өрхийн нэг хүн өвчилсөн бол цаана нь 3-4 хүн өвчлөх эрсдэлтэй. Сайн дурын шинжилгээ өгсөн хүмүүсээс халдвар илэрч байна.

685 хүн эдгэрснээр нийт эдгэрсэн хүний тоо 51,448 боллоо. Мөн хугацаанд коронавирусийн хүндрэлийн улмаас 3 хүн нас барж, нийт нас  баралт 286 болоод байна.

Өнөөдрийн байдлаар 4,727 хүн эмнэлэгт хэвтэн эмчлүүлж байгаагаас 462 хүний биеийн байдал хүнд, 122 хүний биеийн байдал нэн хүнд байна.

Улсын хэмжээнд 1,8 сая хүн вакцины I тундаа, 1,3 сая хүн II тундаа хамрагджээ. Бүрэн тундаа хамрагдалт улсын хэмжээнд 64 хувьтай байна. 2 сая 67 мянган хүнээ дархлаажуулвал сүргийн дархлаа тогтоно гэсэн тооцооллоор дархлаажуулалтын ажлыг хийж байгаа. Дархлаажуулалтын I тундаа хамрагдаагүй 200 гаруй мянган хүн байна”гэв.

spot_img

ШИНЭ

БУСАД МЭДЭЭ

error: Content is protected !!