Хэрэгтэй мэдээлэл хүргэдэг “Хөтөч” булангаараа онлайн сургалт үнэгүй явуулдаг шилдэг 9 их сургуулийн жагсаалтыг хүргэж байна.
1. Harvard University
Харвардын Их сургууль нь 600 гаруй үнэгүй онлайн сургалтыг явуулдаг бөгөөд гүн ухаан, соёл судлалын хичээлүүд нь их сонирхолтой. Онлайн сургалтыг нь эндээс үзнэ үү.
2. University of California, Irvine
Калифорнийн Их Сургууль нь олон төрлийн сэдвээр төрөл бүрийн сургалт явуулдаг бөгөөд инженерчлэл, бизнесийн хичээлүүд нь сонирхолтой байдаг. Тус сургуулийн онлайн хичээлүүдийн жагсаалтыг эндээс үзнэ үү.
3. Georgia Institute of Technology
Жоржиа мужийн Технологийн Дээд Сургууль нь 2012 оноос хойш онлайн сургалтыг явуулж эхэлсэн бөгөөд түүнээс хойш 3.3 сая хүн олон төрлийн сэдвээр хичээл авчээ. Жоржиа мужийн Технологийн дээд сургуулийн онлайн хичээлийн жагсаалтыг эндээс үзээрэй.
4. École Polytechnique
École Polytechnique бол шинжлэх ухаан, технологийн талаарх судалгаа, эрдэм шинжилгээ, инновацийг хослуулсан Францын тэргүүлэх институт юм. Мөн 29 төрлийн онлайн сургалт явуулдаг бөгөөд 10 нь англи хэл дээр, 19 нь франц хэлээр хичээллэдэг. École Polytechnique-ийн бүх онлайн сургалтыг эндээс үзээрэй.
5. Michigan State University
АНУ-ын хамгийн том их сургуулиудын нэг Мичиган мужийн их сургууль нь олон төрлийн онлайн сургалтуудыг санал болгож байна. Энд дарж жагсаалтыг хараад, сонголтоо хийгээрэй.
6. California Institute of the Arts
Урлагийн сургуулиуд дотроос дэлхийн хэмжээнд 20-р байранд эрэмбэлэгддэг тус сургууль нь хэд хэдэн үнэгүй онлайн сургалт явуулдаг. Та энд дарж, жагсаалтыг хараад, сонголтоо хийгээрэй.
7. Hong Kong University of Science and Technology
Хонконгийн Шинжлэх Ухаан Технологийн Их Сургууль нь шинжлэх ухаан, технологи, инженерчлэл, менежмент, бизнесийн чиглэлээр сургалт, судалгааны ажлыг хийдэг. Танд ч гэсэн шилдэг их сургуулийн хичээлээс үзэх боломж байна. Энд дарж сургалтын мэдээлэл үзээрэй.
8. UCL (University College London)
UCL нь дэлхийн наймдугаарт эрэмбэлэгдсэн Их Британийн шилдэг сургуулиудын нэг. Тэд олон төрлийн сургалтуудыг явуулдаг. Та энд дарж онлайн сургалтуудыг авах боломжтой.
9. Massachusetts Institute of Technology (MIT)
MIT нь дэлхийн хамгийн нэр хүндтэй их сургуулиудын нэг бөгөөд хамгийн сүүлийн үеийн жагсаалтаар дэлхийд нэгдүгээрт эрэмбэлэгджээ. MIT-ийн онлайн сургалтуудыг эндээс үзээрэй.
Эх сурвалж: topuniversities
