No menu items!
HomeХоол, шим тэжээлӨвлийн улиралд уувал зохистой “Масала” ногоон цайны жор

Өвлийн улиралд уувал зохистой “Масала” ногоон цайны жор

-

Цайнд дуртай зарим хүний зүрх сэтгэлд ногоон цай онцгой байр суурь эзэлдэг. Масала цай нь тайвшруулдаг бөгөөд залгих болгонд чихэрлэг амт мэдрүүлнэ. Энэ нь антиоксидант, катехин (гол бүрэлдэхүүн хэсэг), амин дэм зэрэг олон зүйлийг агуулдаг. Олон жилийн туршид ногоон цайг хоргүйжүүлэх хамгийн сайн ундааны нэг хэмээн хэрэглэсээр иржээ.

Ногоон цайны давуу тал

1. Жин хасах үйл явцыг нэмэгдүүлнэ

Ногоон цай нь эрүүл мэнддээ анхаарал хандуулдаг хүн бүрийн хоолны дэглэмд байдаг  ургамлын гаралтай халуун ундаа юм. Энэхүү цайны найрлага дахь полифенол ба антиоксидант нь хорт бодисыг гадагшлуулж, турах явцыг хурдасгадаг.

2. Бодисын солилцоог зохицуулдаг

Хоргүйжүүлэх зөв арга бол бодисын солилцоо, боловсруулалтыг нэмэгдүүлж, эрүүл амьдралын хэв маягийг эрхэмлэх юм. Тиймээс шинжээчид ихэвчлэн ногоон цайг хоолны дараа (ялангуяа оройн хоол) хэрэглэхийг санал болгодог.

3. Дархлаа сайжруулна

Ногоон цайны найрлага дахь полифенол ба флавоноид нь дархлааг сайжруулж , улирлын чанартай ханиад томуу болон бусад өвчнөөс урьдчилан сэргийлдэг.

4. Холестерины түвшинг бууруулна

Нэлээд олон судалгаагаар ногоон цай нь “муу” холестерины түвшин (LDL) болон триглицеридийг бууруулдаг гэж үзжээ.

5. Арьс сайхан болгоно

Ногоон цайны хоргүйжүүлэх шинж чанар нь цусыг цэвэршүүлж, арьсыг эрүүл, чийглэг байлгана.

Ногоон цайны эрүүл мэндэд үзүүлэх ашиг тусыг гаргахын тулд өдөрт дор хаяж 2 аяга цай уух хэрэгтэй. Ингээд та бүхэнд “Масала” ногоон цайны жорыг хүргэе.

Орц:

  • 1.5 цайны халбага ногоон цайны навч эсвэл 1 уут ногоон цай
  • 1.5 аяга ус
  • 1 шанцай мод /синамон/
  • 2 ширхэг башир цэцэг
  • 1 халбага шинэхэн цагаан гаа
  • Хагас халбага нимбэгний өвс
  • 1 халбага жүржийн шүүс
  • Зөгийн бал /өөрийн хүссэн хэмжээгээр/
  • 1 ширхэг  хэрчсэн нимбэг /чимэглэл тул байхгүй байсан ч болно/
  • 1 ширхэг одон гоньд

Хийх арга:

Алхам 1. Усандаа цагаан гаа, шанцай мод, башир цэцэг, нимбэгний өвсөө хийгээд нэг минут буцалгана.

Алхам 2. Галыг унтрааж, ногоон цайны навч нэмээд таглана. Үүнийг 2-3 минутын турш байлгана.

Алхам 3. Цайг аягалахдаа  шүүж хийнэ, жүржийн шүүс, зөгийн бал нэмнэ.

Алхам 4. Гоньд, нимбэгний зүсмэлүүдээр чимэглэнэ.

Эх сурвалж: Foodndtv

Г.Жаргал
Г.Жаргал
Zaag.mn сайтын редактор

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд