Таны хэл таны эрүүл мэндийн талаар маш их зүйлийг хэлж өгдөг. Хэлний хэлбэр, хэмжээ, бүтэц, өнгө зэргээр эрүүл мэндийг оношилж болдог гэж үздэг.
Өглөө нь шүдээ угааж цэвэрлэхээсээ өмнө хэлээ байгалийн гэрэлд шалгаж байх хэрэгтэй. Ингэхдээ хэлээ чангалж болохгүй. Хэлний өнгөр нь унтахаас өмнө идэж уусан зүйлс, татсан тамхи зэргээс хамаарч өөрчлөгдсөн байх нь бий.
Хэлний өнгө
Улаан- Халдвар, үрэвсэл
Цайвар улаан- зүрхний эмгэг, цусны өвчин
Шар- ходоод, элэгний үйл ажиллагааны доголдол
Үзмэн ягаан- уушги, зүрхний өвчин
Хөх- бөөрний өвчин
Цайвар- витамин болон шим тэжээлийн дутагдал
Цагаан-ханиад томуу, шингэний дутагдал, мөөгөнцөрийн халдвар
Саарал-хоол боловсруулах замын өвчин
Хэлний өнгөр
Хэлний өнгөрөөр бас таны эрүүл мэндийг оношилж болдог. Хялбар цэвэрлэх боломжтой нимгэн цагаан өнгөр нь хэвийн гэсэн үг. Өнгөр зузаан байх тусам асуудал ноцтой байх магадлалтай. Гэхдээ энэхүү харж оношлох арга нь 100% баталгаатай арга биш гэдгийг сануулах хэрэгтэй болов уу. Хэлний өнгө өнгөр нь идэж ууж буй зүйлсээс хамаарч өнгө нь өөрчлөгдөж болдог гэдгийг санаарай.
Өнгөрний өнгө
Зузаан цагаан өнгөр- хордлого, халдварт өвчний шинж
Бор өнгөр- уушгитай холбоотой асуудал
Шар өнгөр- хоол боловсруулах замын хямрал
Саарал өнгөр- ходоодны үрэвсэл, шарх байх магадлалтай
Зөвхөн хэлний өнгө, өнгөрөөр өөртөө онош тавьж өөрийгөө өвчилсөн байна гэж хямран дур мэдэн өөрийгөө эмчилвэл энэ нь өөрөө өвчин болно гэдгийг санан заавал мэргэжлийн эмчид үзүүлж байж шаардлагатай бол эмчилгээ хийлгээрэй.
Жинхэнэ оношийг зөвхөн мэргэжлийн эмч л 100% баталгаатай тавина шүү.