No menu items!
HomeЭрүүл мэндҮений өвдөлтийг үүсгэдэг 8 муу зуршил

Үений өвдөлтийг үүсгэдэг 8 муу зуршил

-

Үе мөчний өвчин нь эргэн тойронд байгаа мөгөөрс, ясыг элэгдүүлж, улмаар архаг өвдөлтөд хүргэж, тэнцвэргүй байдал үүсгэдэг. Янз бүрийн нөхцөл, амьдралын буруу хэв маяг нь уг өвчин үүсэх шалтгаан болдог байна.  

1. Таргалалт

Илүүдэл жин нь өвдөг, нуруу, хонго, хөлөнд хэт ачаалал өгдөг. Мөн бие дэх илүүдэл өөх нь үе мөчний элэгдэлтэй зэрэгцэн хорт бодис ялгаруулж, муу нөлөө үзүүлдэг. Остеоартрит ба ревматоид артрит нь үе мөчний элэгдлийн хамгийн түгээмэл хоёр хэлбэр юм.

2. Гар утас байнга ашиглах

Бид бүгдээрээ хүмүүстэй харилцахдаа ухаалаг гар утас ашигладаг болсон. Бид гар утсыг ашиглахад хялбар гэж үздэг ч энэ нь эрхий хурууны үеийг сулруулдаг. Мөн биеийн буруу байрлалаас /утас ашиглах үедээ бөхийх/ болж хүзүү, мөрний өвдөлт үүсдэг.

3. Хөдөлгөөнгүй байх

Олон хүмүүс үе мөчний өвдөлтийн эхний шинж тэмдэг үүсэх үед  айж, аливаа ажил хийхээс татгалздаг. Урьдчилан сэргийлэлт бол хамгийн чухал зүйл. Гэхдээ хөдөлгөөнгүй байдал нь таны үе мөчийг улам дордуулж, мөгөөрс, шөрмөс татахад хүргэдэг.

4. Дасгалын үеэр хэт их ачаалал өгөх

Хөдөлгөөнгүй байх нь эрүүл бус боловч өөрийн хүчин чадлаас хэтэрсэн дасгал хийх нь бас хортой юм. Хэрэв таны үе мөч, ясанд аль хэдийн өөрчлөлт гарсан бол хэт ачаалал нь гэмтэлд хүргэж болзошгүй. Та эмчтэйгээ зөвлөлдөж, өөр арга сонгох хэрэгтэй.

5. Тамхи татах

Тамхи татах нь эрүүл мэндэд хор хөнөөлтэй гэдгийг хүн бүр мэднэ. Гэсэн хэдий ч хүн амын дунд тамхидалт байсаар байна. Уушигны хорт хавдар, цус харвалт, зүрх судасны өвчин гэх мэт бие махбодийн янз бүрийн өвчнөөс гадна тамхи татах нь таны үе мөчинд саад учруулдаг.

6. Өндөр өсгийтэй гутал өмсөх

Гутал нь үе мөчний өвдөлт үүсгэх маш чухал хүчин зүйл болдог. Ихэнх үе мөчний өвдөлт нь хонго, нуруу, өвдөг, шагайнд илэрдэг бөгөөд энэ нь биеийн ачааллаас болж үүсэх нь тодорхой юм. Хэрэв гутал нь тухгүй бол хөл, мэдрэлийг эвгүй байдалд оруулж, улам дордуулдаг. Тохиромжгүй, спортоор хичээллэх, дэмжлэг үзүүлэхгүй гутал өмсөх нь нуруу, өвдөгний хэсэгт дарамт учруулдаг тул үе мөчний үрэвсэлд хүргэдэг.

7. Хүнд үүргэвч

Нуруунд асар их дарамт учруулснаар үений өвчин үүсдэг. Үүргэвч, хүнд зүйл үүрэхдээ ачааллыг биеийнхээ нэг тал дээр тавьж болохгүй. Оосрыг хоёуланг нь ашиглаж нэг талдаа дарамт үзүүлэхээс зайлсхийх хэрэгтэй.

8. Доошоо харж унтах

Доошоо харж унтах үед хүзүү маш эвгүй байрлалд очдог. Хэдийгээр энэ нь хурхиралтыг бууруулдаг ч нугас, мөрний булчинд нөлөөлдөг. Үе мөч, булчингаа ачаалал өгөхгүй тав тухтай унтахын тулд дээшээ харж эсвэл хажуугаараа хэвтэхийг хичээ.

Эх сурвалж: Troab

Г.Жаргал
Г.Жаргал
Zaag.mn сайтын редактор

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд