Бөөр чулуужих гэдэгт бөөрний замд чулуу байрлах, чулуутай холбоотой хүндрэлүүд багтана. Эрэгтэйчүүд эмэгтэйчүүдээс илүү энэ өвчнөөр өвдөх эрсдэлтэй гэсэн судалгаа бий. Ихэвчлэн эмнэл зүйн тодорхой шинж тэмдэггүй явагдах тул хэвлийн хөндийн рентген зураг авахуулах, хэт авиан шинжилгээгээр тохиолдлоор оношлогддог. Гэхдээ чулуу хөдөлж байвал шинж тэмдгүүд илрэх бөгөөд хүчтэй өвдөлт мэдрэгддэг.
Бөөрний чулуу үүсэнийг илтгэх шинж тэмдгүүдийг мэдэж, шаардлагатай тохиолдолд яаралтай эмчид хандаарай.
Хүчтэй өвдөлт
Гэдэс, нуруу, цавь орчмоор хүчтэй өвдөлт мэдрэгдэж байвал энэ нь бөөрөнд чулуу үүссэнийг илтгэнэ. Бөөрний чулуу бөөрнөөс хөдлөх, суваг руу гүйсэн үед маш хүчтэй өвдөлт өгдөг. Өвдөлт нь ууц нуруу, цавь, гуяны дотор талаар дамжина.
Шингэн саатах, ялгаралтад өөрчлөлт гарах
Бөөрний чулуунаас болж дараах хэд хэдэн өөрчлөлт гарч болно.
Ойр ойрхон хүрэх- чулуу нь шээсний сүвний амсрыг хаах тул гэнэт шээхээ болих боловч шээс хүрэх мэдрэмж хэвээр үлдэнэ
Хүндрэл- цавь ба анусын орчимд янгинаж өвдөх
Гарц багасах- Энэ нь шээсний сүвийг бөглөсөн чулуутай холбоотой юм. Энэ нь шээсний урсгалыг бүр мөсөн зогсоодог.
Цустай гарах
Бие арзайх, халуурах
Өндөр халуунтай байх нь таны шээс, бөөрөнд халдвар байна гэсэн үг юм. Энэ нь бөөрний чулуу өвчний хүндрэлийг илтгэдэг.
Дотор муухайрах
Дотор муухайрах, бөөлжих нь бөөр ба ходоод гэдэсний замын өвчлөлтэй холбоотой. Уг шинж тэмдэг нь хүчтэй өвдөлтийн үр дүн үүссэн байж болно.
Ядарч сульдах
Бөөр чулуутай бол бөөрний үйл ажиллагаа муудаж, биед хорт бодис ихээр хуримтлагддаг. Үүнээс болж ердийнхөөс илүү ядарч сульддаг.
Бөөрний чулуужилт үүсэхээс сэргийлэхийн тулд:
Хангалттай хэмжээний ус уух
Сахар, натри, уураг бага хэрэглэх
Кальци болон Д амин дэмийн бэлдмэлийг их хэмжээгээр хэрэглэхгүй байх
Жингээ хасах шаардлагатай.
Эх сурвалж: Brightside
