ЭМЯ-аас COVID-19-ийн талаар ээлжит мэдээллээ хийлээ. ХӨСҮТ-ийн тандалт, судалгааны албаны дарга А. Амбасэлмаа:
“11-р сарын 29-ны өдөр ХӨСҮТ, ЗӨСҮТ, Дархан-Уул, Сэлэнгэ аймгийн лабораториудад нийт 10308 хүнд шинжилгээ хийлээ. Үүнээс 7 хүний шинжилгээнд COVID-19 илэрлээ.
Улаанбаатар хотод халдварын 2 тохиолдол нэмэгдэж 77 боллоо. Шинээр илэрсэн 2 тохиолдол нь ойрын хавьтлаар тусгаарлагдаж байсан хүмүүс. Сэлэнгэ аймагт 5 тохиолдол шинээр нэмэгдэж 179 боллоо. Эдгээр нь мөн батлагдсан тохиолдлуудын ойрын хавьтал болсон хүмүүс.
Бусад аймгуудад сүүлийн 24 цагийн байдлаар халдварын шинэ тохиолдол илрээгүй.
Дархан- Уул- 44
Архангай- 2
Орхон- 22
Дорноговь- 21
Говьсүмбэр- 3 тохиолдол байна. МУ-д батлагдсан нийт тохиолдол 791, үүнээс эдгэрсэн 354 байна” гэв.
