ЭМЯ-аас COVID-19-ийн нөхцөл байдлын талаар ээлжит мэдээллээ хийлээ.
ХӨСҮТ-ийн Тандалт, Судалгааны албаны дарга А. Амбасэлмаа: “11 сарын 26-нд нийт 18031 хүнд PCR шинжилгээг хийлээ. Үүнээс 26 хүний шинжилгээнд COVID-19 илэрлээ.
Улаанбаатар хотод 2 тохиолдол шинээр нэмэгдэж, 65 боллоо. Шинээр илэрсэн тохиолдолдлууд нь халдвар авсан хүмүүстэй хавьтал болсон, тусгаарлан ажиглалтад байсан хүмүүс.
Сэлэнгэ аймагт 9 тохиолдол нэмэгдэж 157, Дархан-Уул аймагт 11 тохиолдол нэмэгдэж 33, Орхон аймагт 1 тохиолдол нэмэгдэж 22, Дорноговь аймагт 2 тохиолдол нэмэгдэж 20 боллоо.
Говьсүмбэр аймагт шинэ тохиолдол илрээгүй буюу 3 тохиолдол байна Улсын хэмжээнд дотоодын нийт халдварын тохиолдол 300 боллоо. Өнөөдөр 2 хүн эдгэрч ХӨСҮТ-ээс гарсан. Нийт халдварын тохиолдол 738, үүнээс эдгэрсэн 347 байна” гэв.
