Сассексийн гүн, ханхүү Харри, гүнгийн авхай Меган Маркл нар сайн дурын үндсэн дээр хатан хааны гэр бүлийн гишүүдийн эрх ямбаас татгалзах болсон тухайгаа зарласнаас хойш тэд дэлхий нийтийн анхаарлын төвд орсон билээ.
Хунтайж Харри болон түүний гэр бүлийнхэн Канад улс уруу шилжин суурьшаад байгаа. Залуус хосууд хэвлэлийнхнээс хол, амар тайван амьдралыг хүсэмжилж Канад улс руу очсон ч тэднийг папарацчид цаг үргэлж дагасаар байгаа аж.
Хосуудын сүүлийн үеийн зургууд дээр ханхүү Харри маш гунигтай, сэтгэл гонсгор харагдах болсон бол түүний гэргийг Меган маш аз жаргалтай үргэлж инээмсэглэсэн гарах болжээ.
Үүнийг гаргасан шийдвэртээ ханхүү тун сэтгэл дундуур байгаагаар тайлбарлаж байна.
Энэ нь ч үнэний ортой.
Ханхүү Харри өөрийн ивээл дор үйл ажиллагаа явуулдаг “Sentebale” байгууллагын гишүүдийн өмнө үг хэлэхдээ “Хатан хааны гэр бүлийн гишүүдийн эрх үүргээс татгалзсан нь гунигтай бөгөөд хүнд шийдвэрүүдийн нэг байсан ч надад өөр сонголт байгаагүй. Би үргэлж зөв зүйл хийж байгаагүй гэдгийг мэдэж байгаа ч тодорхой хэмжээнд надад өөр сонголт байгаагүй. Бид улсын санхүүжилтгүйгээр хатан хаан, Нэгдсэн вант улсад зүтгэх, үүргээ биелүүлэхийг хүссэн. Харамсалтай нь, энэ нь боломжгүй байлаа” хэмээн онцлон тэмдэглэсэн юм.
Ханхүүг эхнэрийнхээ ятгалгаар дээрх шийвдэрийг гаргасан гэх яриа олны дунд тархаад байна.