Ихэнх эмэгтэйчүүд 40-50 насанд цэвэршиж эхэлдэг. Цэвэршилт нь удаан хугацаанд үргэлжилдэг. Энэ хугацаанд эмэгтэйчүүдийн дор хаяж гуравны хоёрт нь цэвэршилтийн шинж тэмдэг илэрдэг байна. Үүнд халуу оргих, хөлс гарах, сэтгэл хямрах, уур уцаартай болох, ядрах зэрэг орно.
Нэмж дурдахад цэвэршилтийн үед, эмэгтэйчүүд ясны сийрэгжилт, таргалалт, зүрхний өвчин, чихрийн шижин зэрэг хэд хэдэн өвчин тусах эрсдэл өндөртэй байдаг.
Олон эмэгтэйчүүд байгалийн гаралтай нэмэлт тэжээл, эмчилгээнд хамрагддаг. Цэвэршилтийн шинж тэмдгийг бууруулах “байгалийн” 11 аргын жагсаалтыг танд хүргэе.
1. Кальци, Д аминдэмээр баялаг хоол хүнс идээрэй
Цэвэршилтийн үеийн дааврын өөрчлөлт нь ясыг сулруулж, ясны сийрэгжилт үүсэх эрсдэлийг нэмэгдүүлдэг.
Кальци ба Д аминдэм нь ясны эрүүл мэндтэй холбоотой тул хоол хүнснээс эдгээр тэжээлийг хангалттай хэмжээгээр авах нь чухал юм.
Цэвэршилтийн дараах үеийн эмэгтэйчүүд Д аминдэмийг хангалттай хэмжээгээр хэрэглэх нь ясны сулралаас болж түнхний хугарал үүсэх эрсдэлийг бууруулдаг.
Тараг, сүү, бяслаг гэх мэт сүүн бүтээгдэхүүн нь кальциар баялаг байдаг. Ногоон, навчит ногоо, тухайлбал, байцаа, бууцай нь маш их кальци агуулдаг. Энэ нь мөн дүпү, шош, сардина болон бусад хоол хүнсэнд элбэг байдаг.
Нарны туяа нь Д витамины гол эх үүсвэр гэгддэг. Гэсэн хэдий ч хөгшрөх тусам таны арьс үүнийг хуримтлуулах чадвар багатай болдог.
Хэрэв та наранд бага байдаг эсвэл арьсаа халхалдаг бол нэмэлт тэжээл уух эсвэл Д витамины хүнсний эх үүсвэрийг нэмэгдүүлэх нь чухал юм. Үүний баялаг эх үүсвэр нь загас, өндөг, сагамхай элэг, Д аминдэмээр баяжуулсан хоол юм.
Тэмдэглэл:
Кальци, Д аминдэмээр баялаг хоол хүнс нь цэвэршилтийн үед үүсэх ясны алдагдлаас урьдчилан сэргийлэхэд чухал үүрэгтэй.
2. Эрүүл жингээ барих, хадгалах
Цэвэршилтийн үеэр жин нэмэх нь элбэг байдаг.
Энэ нь өөрчлөгдөж буй даавар, хөгшрөлт, амьдралын хэв маяг, генетикийн хослолтой холбоотой байж болох юм.
Биеийн илүүдэл өөх, ялангуяа бэлхүүс орчмоор нэмэгдвэл зүрх судасны өвчин, чихрийн шижин зэрэг өвчинд нэрвэгдэх эрсдэлтэй.
Үүнээс гадна, таны биеийн жин таны цэвэршилтийн шинж тэмдгүүдэд нөлөөлж болзошгүй юм.
Цэвэршилтийн дараах 17,473 эмэгтэйн дунд явуулсан нэг судалгаагаар нэг жилийн хугацаанд дор хаяж 10 фунт (4,5 кг) жин буюу биеийн жингийнхээ 10% -ийг хассан хүмүүс халуун оргилж, хөлрөх нь бага байгааг тогтоожээ.
Тэмдэглэл:
Жингээ хэвийн хэмжээнд байлгах нь цэвэршилтийн шинж тэмдгийг арилгаж, өвчнөөс урьдчилан сэргийлэхэд тусалдаг.
3. Жимс, хүнсний ногоо их хэмжээгээр идээрэй
Жимс, хүнсний ногоогоор баялаг хоолны дэглэм нь цэвэршилтийн шинж тэмдгүүдээс урьдчилан сэргийлэхэд тусалдаг.
Жимс, хүнсний ногоо нь илчлэг багатай ч цатгалан мэдрэмжийг төрүүлдэг. Иймд жин хасах, жингээ барихад нэн тохиромжтой.
Эдгээр нь зүрх судасны өвчин болон өөр олон өвчнөөс урьдчилан сэргийлэхэд тусалдаг Цэвэршилтийн дараа зүрхний өвчний эрсдэл нэмэгдэх хандлагатай тул үүнийг анхаараарай. Энэ нь нас, жин нэмэгдэх, эсвэл эстрогений түвшинг бууруулах зэрэг хүчин зүйлүүдтэй холбоотой байж болох юм.
Эцэст нь хэлэхэд жимс жимсгэнэ, хүнсний ногоо нь ясны сийрэгжилтээс сэргийлж чадна.
50-59 насны 3236 эмэгтэйд хийсэн нэг судалгаагаар жимс, хүнсний ногооны өндөр агууламжтай хоол хүнс нь ясны задралд хүргэж болзошгүйг тогтоожээ.
Тэмдэглэл:
Жимс, хүнсний ногоогоор баялаг хоолны дэглэм нь ясыг эрүүлжүүлж, жин нэмэх, зарим өвчнөөс урьдчилан сэргийлэх ач холбогдолтой юм.
4. Триггертэй хоол хүнснээс зайлсхий
Зарим хоол хүнс нь халуун оргих мэдрэмж төрүүлж, шөнийн цагаар хөлрөх, сэтгэлийн хөдөлгөөнийг өдөөж болно.
Нийтлэг өдөөгч хүчин зүйлд кофейн, согтууруулах ундаа, чихэрлэг эсвэл халуун ногоотой хоол багтдаг.
Шинж тэмдгийн тэмдэглэл хөтлөөрэй. Хэрэв та зарим хоол хүнс нь цэвэршилтийн шинж тэмдгийг өдөөдөг гэж бодож байвал хэрэглээгээ багасгах эсвэл бүрмөсөн зайлсхийх хэрэгтэй.
Тэмдэглэл:
Зарим хоол хүнс, ундаа нь халуун ялгаруулах, шөнийн цагаар хөлрөх, сэтгэлийн хөдөлгөөнийг өдөөж өгдөг. Үүнд кофейн, согтууруулах ундаа, чихэрлэг эсвэл халуун ногоотой хоол орно.
5. Тогтмол дасгал хий
Дасгал нь халууцах, хөлрөхийг болиулдаг эсэхийг нотлох хангалттай баримт одоогоор байхгүй байна. Гэсэн хэдий ч тогтмол дасгал хийснээр бусад давуу талыг бий болгоно.
Үүнд, эрчим хүч, бодисын солилцоо сайжирч, үе мөч, яс эрүүл байх, стресс буурах, нойр сайжирна.
Жишээлбэл, нэг судалгаагаар нэг жилийн хугацаанд долоо хоногт гурван цаг дасгал хийснээр цэвэршилтийн насны эмэгтэйчүүдийн бие бялдар, сэтгэцийн эрүүл мэнд, амьдралын ерөнхий байдал сайжирсан болох нь тогтоогджээ.
Тогтмол дасгал хийх нь эрүүл мэнд, хорт хавдар, зүрх судасны өвчин, цус харвалт, цусны даралт ихсэх, чихрийн шижингийн 2 хэлбэр, таргалалт, ясны сийрэгжилт зэрэг өвчнөөс хамгаалах, эрүүл мэндийг сайжруулахтай ач холбогдолтой юм.
Тэмдэглэл:
Тогтмол дасгал хийснээр нойргүйдэх, сэтгэлийн түгшүүр, ядаргаа гэх мэт цэвэршилтийн шинж тэмдгүүд арилдаг. Энэ нь жин нэмэх, янз бүрийн өвчин эмгэгээс хамгаалж чаддаг.
6. Фитоэстроген агуулсан хоол хүнсийг түлхүү хэрэглээрэй
Фитоэстрогенүүд нь байгалийн гаралтай ургамлын нэгдлүүд бөгөөд бие махбод дахь эстрогенд нөлөөлж чаддаг.
Тиймээс эдгээр нь дааврыг тэнцвэржүүлэхэд тусална гэсэн үг юм.
Фитоэстрогенээр баялаг хоолонд шар буурцаг, шар буурцгийн бүтээгдэхүүн, дүпү, темпех, маалингын үр, кунжутын үр, буурцаг орно. Гэсэн хэдий ч хоол хүнсэнд агуулагдах фитоэстрогенийн агууламж нь боловсруулах аргаас хамааран харилцан адилгүй байдаг.
Нэг судалгаагаар шар буурцгийн өндөр агууламжтай хоол хүнс нь цэвэршилтийн үе эхэлж буй эмэгтэйчүүдэд холестерины хэмжээ, цусны даралт буурах, халууцах, хөлрөх зэрэг шинж тэмдгүүдийг бууруулж байгааг тогтоожээ.
Тэмдэглэл:
Фитоэстрогеноор баялаг хоол хүнс нь халуу оргиж, зүрхний өвчнөөс сэргийлэх бага зэргийн ашиг тустай байдаг.
7. Хангалттай хэмжээний ус уух
Цэвэршилтийн үеэр эмэгтэйчүүд ихэвчлэн хуурайшдаг. Энэ нь эстрогений хэмжээ буурснаас үүдэлтэй байх магадлалтай.
Өдөрт 8-12 аяга ус уух нь эдгээр шинж тэмдгүүдийг бууруулахад тусалдаг.
Ус уух нь дааврын өөрчлөлтийн үед үүсч болох гэдэс дүүрэх шинжийг багасгадаг.
Нэмж дурдахад, ус нь илүүдэл жингээс сэргийлж, салахад тусалдаг бөгөөд бодисын солилцоог сайжруулдаг.
Хоолноос 30 минутын өмнө 17 унц (500 мл) ус уух нь хоолны үеэр 13% бага калори илчлэг хэрэглэхэд хүргэдэг.
Тэмдэглэл:
Хангалттай ус уух нь илүүдэл жингээс урьдчилан сэргийлэх, турахад тусална. Мөн хуурайших шинж тэмдгийг багасгадаг байна.
8. Цэвэршүүлсэн элсэн чихэр, боловсруулсан хоолыг багасгах
Цэвэршүүлсэн нүүрс ус, элсэн чихэр агуулсан хоолны дэглэм нь цусан дахь сахарын хэмжээг бууруулж, ядаргаанд оруулж, уур уцаартай болгодог.
Нэг судалгаагаар цэвэршүүлсэн нүүрс ус агуулсан хоолны дэглэм нь цэвэршилтийн дараах үеийн эмэгтэйчүүдийн сэтгэл гутралд орох эрсдэлийг нэмэгдүүлдэг болохыг тогтоожээ.
Боловсруулсан хоол хүнсээр баялаг хоолны дэглэм нь ясны эрүүл мэндэд сөргөөр нөлөөлдөг.
50-59 насны эмэгтэйчүүдийн дунд хийсэн томоохон судалгаагаар боловсруулсан болон хөнгөн зуушаар баялаг хоол хүнс хэрэглэдэг хүмүүсийн ясны чанар муудсан болохыг тогтоожээ.
Тэмдэглэл:
Боловсруулсан хоол хүнс, цэвэршүүлсэн нүүрс ус агуулсан хоолны дэглэм нь цэвэршилтийн дараах үеийн эмэгтэйчүүдийн сэтгэлийн хямрал, ясны эрүүл мэндэд муугаар нөлөөлдөг.
9. Хоолоо алгасахгүй байх
Цэвэршилтийн үеэр хоолоо тогтмол идэх нь нэн чухал.Тогтмол бус хооллох нь цэвэршилтийн зарим шинж тэмдгийг улам дордуулж, жин хасахад саад болж болзошгүй юм.
Тэмдэглэл:
Тогтмол бус хооллох нь цэвэршилтийн зарим шинж тэмдгийг даамжруулж болзошгүй юм. Хоолоо алгасах нь цэвэршилтийн дараах үеийн эмэгтэйчүүдэд жин хасахад саад болно.
10. Уургаар баялаг хоол хүнс идээрэй
Уураг тогтмол идэж байх нь нас ахих тусам булчингийн массыг алдахаас сэргийлж чаддаг.
Нэг судалгаагаар өдөр бүр хоол хүнсэндээ уураг хэрэглэх нь хөгшрөлтийн улмаас үүсэх булчингийн алдагдлыг удаашруулж болохыг тогтоожээ.
Уураг ихтэй хоол хүнс нь булчингийн алдагдлаас урьдчилан сэргийлэхэд тустай. Уургаар баялаг хоолонд мах, загас, өндөг, буурцагт ургамал, самар, цагаан идээ орно.
Тэмдэглэл:
Өндөр чанартай уургийг тогтмол хэрэглэх нь булчингийн алдагдлаас сэргийлж, турахад тусалдаг бөгөөд сэтгэлийн хямрал, нойрыг зохицуулахад тусалдаг.
11. Байгалийн гаралтай нэмэлт тэжээл ууна
Олон эмэгтэйчүүд цэвэршилтийн шинж тэмдгийг арилгахын тулд байгалийн гаралтай бүтээгдэхүүн, эмчилгээ хийдэг.
Харамсалтай нь, тэдгээрийг нотлох баримт сул байна.
Цэвэршилтийн шинж тэмдгийг бууруулах хамгийн түгээмэл байгалийн нэмэлтийг энд оруулав.
Фитоэстроген: Үүнийг байгалийн гаралтай хүнсний эх үүсвэр эсвэл улаан хошоонгорны ханд зэрэг нэмэлт тэжээлээр дамжуулан хэрэглэж болно.
Хар кохош: Зарим судалгаагаар хар кохош нь хэт халууцах шинжийг бууруулах үр дүнтэй болохыг тогтоосон. Гэвч нотолгоо хангалттай биш байгаа ажээ.
Бусад нэмэлт тэжээлүүд: Пробиотик, пребиотик, кава, DHEA-S, донг квай, примозын тос зэрэг түгээмэл хэрэглэгддэг бусад нэмэлтүүд байдаг.
Тэмдэглэл:
Байгалийн нэмэлт тэжээл нь цэвэршилтийн шинж тэмдгийг арилгахад тусалдаг боловч аюулгүй байдал, үр дүнгийн талаар илүү их нотолгоо шаардлагатай байгаа
Нэмэлт мэдээлэл
Цэвэршилт бол өвчин биш юм. Энэ бол амьдралын жам ёсны хэсэг юм.
Түүний шинж тэмдгийг арилгахад хэцүү байдаг ч зөв хооллолт, тогтмол дасгал хөдөлгөөн нь тэдгээрийг багасгах, урьдчилан сэргийлэхэд тусалдаг.
Цэвэршилтийн үеэр болон бусад үед цаг заваа хялбар, тааламжтай болгохын тулд дээрх зөвлөмжийг ашиглан туршиж үзээрэй.
Эх сурвалж: healthline
