Жүжигчин Б.Баярмаа 1987 оны гуравдугаар сарын 1-нд төрж, Багануур дүүрэгт өсжээ. Сургуулиа төгсөөд Багануур дүүрэгт зохиогдсон миссийн тэмцээнд оролцож, титмийн эзнээр тодорч байсан нэгэн. Тэрээр 1-9 дүгээр анги хүртлээ бүжгийн дугуйланд явдаг, бүжиглэх дуртай хүүхэд байж.
Тэрээр амьд хөгжим сонсох дуртай.
Түүний биеийн өндөр 170 см юм байна. Анх МУИС-ийн Эдийн засгийн харилцааны ангийг сонгосон боловч өөрийн сонирхлыг даган, СУИС-д конкурс өгөн тэнцсэнээр жүжигчин болсон гэдэг. Түүний аав уурхайд ажилладаг, ээж нь хуульч мэргэжилтэй аж.
Дуучин A cool мөн Багануурынх. Тэд ахлах ангидаа дотно үерхдэг байсан бөгөөд хот руу оюутан болохоор ирэхдээ хоёр тийш болсон гэгддэг. Тэрээр энэ тухайгаа нэгэн нэвтрүүлэгт оролцохдоо “Өмнө нь дуучин A Cool-тэй үерхэж байгаагүй” хэмээн хэлсэн байдаг.
Жүжигчин Б.Баярмаагийн анхны нөхрийг Н.Ариунболд гэдэг. Тэд гэр бүл болоод гурван охины ээж, аав болцгоосон. Харамсалтай нь түүний нөхөр Баянзүрх дүүргийн 27-р хороо Дарь-Эх орчимд, Улаанбаатар хотын харьяат 18-29 насны хоёр эмэгтэй, нэг эрэгтэйн хамт каннабисын төрлийн ургамал хэрэглэж байхад нь баривчилсан байдаг. Энэ хэрэгт нийт 30 гаруй хүн холбогдсон бөгөөд зарим нь зарж борлуулдаг хүмүүс байсан аж. Тэдний дунд жүжигчин Б.Баярмаагийн нөхөр Н.Ариунболд, “Guys” хамтлагийн гишүүн Х.Бат-Ундрал, ”Ice top” хамтлагийн гишүүн Коби буюу С.Чулуунбаяр нар байсан гэдгийг тухайн үед цагдаагийн байгууллагаас мэдэгдэж байлаа.
Тэр үеэс хойш хэсэг хугацаанд нам гүм амьдарсан жүжигчин Б.Баярмаа дуучин Г.Ариунбаатартай гэр бүл болсон гэх мэдээлэл цацагдах болсон юм. Хосууд хоёр хүүхэдтэй болсон гэх мэдээлэл ч бий.
Б.Баярмаагийн тоглосон кинонууд
“Ийм нэгэн нэгэн дурлал”
“Бид дөрвийн хайр”
“Мойлхон”
“Хайрын эрэлд”
“Хуримын срюприз”
“Дэлхийд дурласан сар” зэрэг дэлгэцийн олон бүтээлд тоглосон билээ.
Г.Жаргал
