Алдарт “Ну, погоди!” хүүхэлдэйн кино нь 1996-2006 онуудад нийт 20 анги бүтээгдэж, Оросын хамгийн алдартай хүүхэлдэйн цуврал хэмээгдэх болсон бөгөөд энэ хүүхэлдэйн киног үзээгүй, мэдэхгүй хүн үгүй биз ээ. Монголын үе үеийн хүүхэд залуучуудын үзэж өссөн Зөвлөлтийн хамгийн алдартай хүүхэлдэйн кино “Ну, погоди” буюу “Чамайг даа” киноны гол баатар туулай, чоно хоёрын дууг хэн, хэрхэн оруулсныг та бүхэнд хүргэж байна. Мөн “Ну погоди” киноноос гадна тэд өөр ямар кинонд хэрхэн дуу оруулсныг үзээрэй.
Туулайны дууг ЗХУ-ын Гавьяат жүжигчин Клара Румянова оруулж, дууг нь өөрөө дуулжээ. Тэрээр энэхүү гайхамшигт хүүхэлдэйн киноны туулайн дүрд дуу оруулсанаараа ЗХУ-ын Гавьяат жүжигчин цол хүртсэн цор ганц эмэгтэй юм. Зөвлөлт Оросын театр, кино, радиогийн жүжигчин Клара Михайловна Румяновагийн хувьд 300 гаруй хүүхэлдэйн киноны дүрүүдэд дуу оруулсан байна.
Тус киноны найруулагч, ОХУ-ын Гавьяат жүжигчин Вячеслав Котеночкин чонын дууг дуучин Высоцкийгоор оруулуулахыг хүссэн ч ЗХУ-ын Ардын жүжигчин Анатолий Папанов оруулсан юм. Зөвлөлтийн кино, театрын жүжигчин Анатолий Дмитриевич Папанов нь 1922 онд Оросын Вязьма хотод төрж, 1937 онд анхныхаа кинонд жижиг дүр бүтээжээ.
ЗХУ-ын төрийн шагналт, ардын жүжигчин Анатолий Папанов, ЗХУ-ын гавъяат жүжигчин Клара Румянова нар бол хүүхэлдэйн кинонд дуу оруулагч жинхэнэ мастерууд юм.
