УИХ-ын чуулганы нэгдсэн хуралдаан эхэллээ. Хуралдаанаар Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуульд өөрчлөлт оруулах тухай хуулийн төслийн зарчмын зөрүүтэй саналаар санал хураалт явуулж байна. Уг хуулийн төслийг эцсийн хэлэлцүүлэгт бэлтгүүлэхээр холбогдох байнгын хороонд шилжүүллээ.
Үргэлжлүүлэн 2023 оны төсвийн тухай хуулийг хэлэлцэж байна.
Энэ үеэр УИХ-ын гишүүн Ц.Даваасүрэн: Байнгын хороон дээр хоёр асуудал миний зүгээс тавьсан. Эхнийх нь УИХ-ын тогтоол дээр өрийн баталгаа гаргах асуудал. Хөгжлийн банкны ирэх онд төлөгдөх өрд ЗГ-ын өрийн баталгаа гаргаж төлөх асуудал яригдаж байгаа. Энэ батлагдах тийшээ болчихлоо. Энэ бол зээл төлөхгүй байх сонирхлыг л бий болгож байна. Тэр тусмаа нийгэм үүнийг юу гэж харах вэ. Улстөрчид нь танил тал, нөлөө бүхий компаниараа дамжуулаад зээл авчихдаг юм байна. Тэгээд төлдөггүй юм байна. 20 гаруй компани шалгуулахаар өгсөн байсан ч ардаа дандаа уяатай байдаг.
Нөгөө талаараа, Энэ Засгийн газрын баталгаа, өрийн асуудал өнөөдөр асар өнөр дүнтэй мөнгө гаднаас босгоно. Засгийн газрын бондын өгөөж бараг 40 хувь хүрчихсэн байгаа. Тийм л өндөр хүүтэй бонд гаргаж нөгөө зээлийг чин зээл авсан хүмүүс төлөх биш, Монголын төр баталгаа гаргаж төлөх болж байгаа байхгүй юу. Одоо энийг нь УИХ батлах гээд байж байна.
Загсийн газраас санаачилсан “10 их наядын хөтөлбөр” нэрээр арилжааны банкуудад зээлийн хүүгийн зөрүү олгоод байгаа асуудлыг тодорхой болго гэж хэлсэн. Янз бүрийн мэдээлэл ирж байгаа ч нягтлаагүй байгаа учраас хэлэхэд оновчтой биш байна. Бас л улстөрчид нь арилжааны банкуудаас зээл аваад хүүгийн зөрүүд 60 тэрбум төгрөгөөс авах асуудал яригдаж байна лээ.