Хүүхдээ гурван нас хүртэл нь асрах чөлөөтэй байгаа эхэд НДШ-ийн хөнгөлөлт үзүүлэх хуулийн зохицуулалтын талаар НДЕГ-аас мэдээлэв.
Тодруулбал, Нийгмийн даатгалын сангаас олгох тэтгэвэр, тэтгэмжийн тухай хуулийн 3 дугаар зүйлийн 6-д заасны дагуу жирэмсний болон амаржсаны тэтгэмж авах эрх үүссэн сайн дурын даатгуулагч эхийн хүүхдээ гурван нас хүртэл нь асрах хугацаанд шимтгэлийн 50%-ийг тэтгэмжийн даатгалын сангаас, бусад эхийн шимтгэлийн 50%-ийг улсын төсвөөс хариуцан төлж байна.
Хүүхдээ гурван нас хүртэл нь асрах чөлөөтэй байгаа эхэд нийгмийн даатгалын шимтгэлийн хөнгөлөлт үзүүлэх хуулийн зохицуулалтыг 2020 оноос эхлэн хэрэгжүүлж, 2021 оны байдлаар 25.4 мянган даатгуулагч эхийн шимтгэлд 5.5 тэрбум төгрөгийг тэтгэмжийн даатгалын сан, төрөөс хариуцан төлжээ.