Үндсэн хууль батлагдсаны 30 жилийн ойгоор Үндсэн хуулийн Цэцийн гишүүн Д.Одбаярыг гавьяат хуульчаар шагнуулахаар болсон гэх мэдээлэл зарим хэвлэл мэдээллийн хэрэгслээр цацагдаж, олны дургүйцлийг төрүүлээд байна.
Тэрбээр Үндсэн хуулийн цэцийн даргаар ажиллаж байхдаа “Korean Air” компанийн нисэх онгоцны үйлчлэгчийг биед хүрсэн гэх скандалд нэр холбогдож байлаа.
ҮХЦ-ийн дарга Д.Одбаярт БНСУ-ын прокурорын газраас бусдад бэлгийн дарамт үзүүлсэн хэргээр долоон сая вонын торгууль ногдуулсан билээ. Мөн “Korean Air” компанид ажилладаг монгол ажилтнуудыг нислэгийн үеэр айлган сүрдүүлсэн гэх хэргийг нь шалгаж, монгол ажилтнууд гомдол гаргахаас татгалзсан тул уг хэргийг хаасан байдаг.
Энэхүү хэргээс болж тэрээр Монгол Улсын Үндсэн хуулийн цэцийн даргаас чөлөөлөх хүсэлтийг гаргасан бөгөөд Үндсэн хуулийн цэцийн нийт 9 гишүүн хүсэлтийг санал нэгтэйгээр хүлээн авч, түүнийг Үндсэн хуулийн цэцийн даргын албан тушаалаас чөлөөлсөн билээ.