Энэ удаагийн “Хүмүүс” булангаараа Туркийн хамгийн үзэсгэлэнтэй эмэгтэй жүжигчдийн талаарх мэдээллийг хүргэж байна.
Fahriye Evcen
Fahriye Evcen 1986 оны 6-р сарын 4-нд төрсөн Туркийн алдарт жүжигчин юм. Тэрээр Герман улсад төрж, өссөн бөгөөд Дюссельдорфын “Heinrich-Heine” их сургуулийн социологийн тэнхимд сурч байхдаа цуврал киноны санал хүлээн авчээ.
Жүжигчин бүсгүй “Yaprak Dokumu” кинонд анх тоглох болж, ээжийн хамт Стамбулд суурьшсан байна. Тэрээр “Мөнхийн хайр” киногоор нь бидний сайн мэдэх Burak Ozcivit- тэй гэрлэжээ.
Hande Ercel
Hande Ercel 1993 оны 11-р сарын 24-нд Туркийн Баликесир хотод төрсөн. Тэрээр Мимар Синаны нэрэмжит Дүрслэх Урлагийн Их Сургуульд дээд боловсрол эзэмшиж, 2015 онд Азербайжанд зохион байгуулагдсан “Miss Cilivaliton” тэмцээнд оролцож байсан үзэсгэлэнтэй жүжигчин юм.
Neslihan Atagul
“Мөнхийн хайр” киногоор бидний танил болсон жүжигчин Neslihan Atagul 1992 оны 8-р сарын 20-нд Истанбул хотод төрсөн. Түүний ээж нь Орос, аав нь Черкес гаралтай. Тэрээр жүжигчнээр ажиллахаас гадна загвар, зар сурталчилгааны салбарт ч ажилладаг. Мөн дэлхийн алдартай брэндүүдийн нүүр царай болж байжээ.
Demet Ozdemir
“Эртэч шувуухай” киногоор бидний танил болсон тэрээр 1992 оны 2-р сарын 26-нд төрсөн. Demet Ozdemir алдартай жүжигчнээс гадна загвар өмсөгч, бүжигчин юм. Үзэсгэлэнт жүжигчин бүсгүй “Aksam” ахлах сургуулиа төгсөөд, бүжгийн театрын курст суралцжээ. Тэрээр уян хатан, чадварлаг байдлаараа олны анхаарлыг татаж, богино хугацаанд “од” болон гялалзжээ.
Tuba Buyukustun
Tuba Buyukustun 1982 оны 7-р сарын 5-нд Истанбул хотод төрсөн. Тэрээр Мимар Синаны нэрэмжит Дүрслэх урлагийн их сургуулийн тайзны чимэглэл, хувцасны дизайны ангийг төгссөн. Жүжигчин бүсгүй тоглосон цуврал болгондоо онцгой ач холбогдол өгдөг бөгөөд Арабын орнуудад маш их алдартай ажээ.
Beren Saat
Beren Saat 1984 оны 2-р сарын 26-нд Анкара хотод төрсөн. Тэрээр “Ask-i Memmnu” хэмээх киногоороо олонд танигджээ.
Hazal Kaya
Тэрээр 1990 оны 10-р сарын 1-нд Туркийн Газиантеп хотод төрсөн. Түүний ээж, аав нь хуульч мэргэжилтэй. Жүжигчин бүсгүй “Ask-i Memmnu” телевизийн цуврал киногоороо алдар хүндийн оргилд хүрчээ.
Serenay Sarikaya
Туркийн жүжигчин, загвар өмсөгч Serenay Sarikaya 1991 оны 7-р сарын 1-нд Анкара хотод төрсөн. Тэрээр 15 настайдаа гоо бүсгүйн тэмцээнд оролцож, шүүгчдийн тусгай шагналыг хүртэж байжээ.
Meryem Uzerli
Тэрээр Герман улсад төрж, өссөн бөгөөд театрын чиглэлээр сурч байжээ. Үзэсгэлэнт жүжигчин бүсгүй “Muhtesem Yuzyil” цуврал киногоор Туркчүүдийн танил болжээ. Мөн тэрээр Германд олон цувралд тоглож байсан чадварлаг жүжигчин юм. Түүнийг манай уншигчид “Аугаа зуун” киногоор нь сайн мэдэх билээ.
Berguzar Korel
Berguzar Korel бол Туркийн жүжигчин, телевизийн хөтлөгч, дуучин бөгөөд 1982 оны 8-р сарын 27-нд Истанбулд төрсөн. Тэрээр оюутан байх хугацаандаа олон жүжиг, богино хэмжээний кинонд тоглож байжээ.
Үзэсгэлэнт бүсгүй “Аугаа зуун” киногоор бидний сайн мэдэх Halit Ergenc хэмээх жүжигчний гэргий юм.
Эх сурвалж: melares
