Хоолойн өвчнийг хүндрээгүй, эхэн шатандаа буюу хөндүүр байхад нь өөрөө эмчлэх бүрэн боломжтой. Гэтэл хүмүүс үүнийг мэдэхгүй идээлүүлээд, халуурч хүндэрч цаашлаад тарианд орж, бүр зарим нь үе мөчний хэрэх өвчтэй болдог.
Тэгвэл хоолой өвдсөн үед яах ёстой талаар эмч мэргэжилтнүүд юу гэж зөвлөснийг хүргэе.
-Хоолой хөндүүр оргисон л бол цонхоо заавал хааж унтах хэрэгтэй. Учир нь ихэнх тохиолдолд шөнө л хоолой хуурайшдаг байна.
-Шөнө унтахдаа аль болох хөнжлөө толгой дээгүүрээ нөмөрч хоолойгоо өөрийнхөө бүлээн агаараар чийглэх хэрэгтэй гэнэ.
-Хоолой өвдсөн, хөндүүрлэж эхэлсэн тохиолдолд шүлсээ хаяхаас зайлсхийж, залгих хэрэгтэй байдаг байна. Ингэснээр шүлсэнд агуулагддаг лизоцим нь бактерийг устгадаг аж.
-Энэ тохиолдолд зөвхөн буцалсан бүлээн ус уухыг эмч нар зөвлөлөө. Дэлгүүрийн цэвэр ус нь хоолой хуурайшуулдаг тул хэрэглэхгүй байвал зохино.
-Мөстэй ус, гаазтай хүйтэн ундаа болон пиво уухаас татгалз. Энэ нь хоолойн өвчнийг нэмэгдүүлэх шалтгаан болдог байна.
-Хоолойн өвчнөө зүгээр болтол тамхийг хатуу хорих ёстой байдаг байна. Учир нь тамхи татах нь хоолойг маш ихээр хуурайшуулдаг аж.
-Халуун хоол, цай хэрхэвч хэрэглэж болохгүй. Ялангуяа бэлэн гоймон. Учир нь халуун шинж чанарын зүйлс хоолойн өвдөлтийг ихэсгэж, өвдөлтийг улам түргэсгэж, идээлүүлэх хандлагатай байдаг байна.
-Чихэрлэг зүйлсээс татгалз. Эдгээр нь хоолойд наалдаж идээлэлтийг түргэсгэдэг байна.
-Сүү ууж унтахгүй байх. Сүү нь мөн хоолойг хуурайшуулах сөрөг талтай.
-Шүдийг өглөө, оройд заавал угаах шаардлагатай. Тэгэхгүй бол амны хөндийд бактер үржиж идээлэх шалтгааны нэг болдог байна.
-Хоолой өвдсөн тохиолдолд тамединий уусмалаар өглөө, оройд хоолойгоо тогтмол зайлах. Их хэрэглэвэл мөн л хоолойг хуурайшуулах аюултай байдгийг анхаарууллаа.
