Олон нийтийн цахим сүлжээнд 2024 оны гуравдугаар сарын 6-ны өдөр “Бага насны хүүхэд нимгэн хувцастай машин зам дээр явж байхад нь олоод багшид нь хүлээлгэж өглөө” гэх мэдээлэл нийтлэгдсэн байна.
Мэдээллийн дагуу цагдаагийн байгууллагаас нягтлан шалгахад Хан-Уул дүүргийн 17 дугаар хорооны нутаг дэвсгэрт байрлах 325 дугаар цэцэрлэгийн төв хаалга онгорхой байсны улмаас тус цэцэрлэгт хүмүүждэг дөрвөн настай хүү Х нь гадуур хувцасгүй гарч, явсан нь тогтоогджээ.
Зөрчлийн тухай хуулийн Хүүхдийн эрхийг зөрчих буюу 6.20 дугаар зүйлд зааснаар тус дүүргийн цагдаагийн газрын нэгдүгээр хэлтсээс холбогдох шалгалтыг явуулж байгаа юм байна.
