– Өсвөр насныханд арьсны ямар асуудлууд зонхилон тохиолддог вэ?
-Хамгийн түгээмэл тохиолддог нь батгашилт. Өсвөр нас буюу бидний хэлж заншиснаар шилжилтийн насанд дааврын өөрчлөлт явагдаж эрэгтэй хүүхэд эрэгтэйлэг, эмэгтэй хүүхэд эмэгтэйлэг шинжтэй болж өөрчлөгддөг. Бөөрний дээд болон бэлгийн булчирхайгаас ялгарч буй дааврууд ихсэж нүүр, цээж, нуруу хэсгийн арьсны тосны булчирхайн үйл ажиллагаа идэвхжиж, тосны ялгарал ихэссэнээс болоод цагаан, хар батга гардаг. Зарим өсвөр насныхан шилжилтийн насны онцлог гээд тоохгүй байх нь бий. Харин зарим нь дөнгөж батга гарангуут мэргэжилтэнд хандаж, зөвлөгөө авдаг. Батгашилтийг тоохгүй байсны уршгаар хүнд хэлбэрт шилжих, залуу насанд хүрэхэд арьсанд нүхжилт, сорвижилт бий болох, батга нь үргэлжлээд хүндрэх зэрэг сөрөг нөлөөтэй. Хоёрдугаарт, харшлын өвчлөл түгээмэл тохиолддог.
Эцэг, эхийн аль нэг нь харшилтай буюу удамшлын шинж чанартай бол тухайн хүүхдийн харшламтгай байх магадлал өндөрсөнө. Бага насны хүүхдийн хувьд чихэр, шоколад, халуун ногоо, ундаа зэрэг нь харшлыг өдөөгч хүчин зүйл болж байдаг. 9-өөс дээш насныхан буюу өсвөр насныханд ургамлын тоосжилт, тоосны хачигнаас шалтгаалсан харшил, улирлын чанартай харшлын эмгэгүүд илүү тохиолддог.
Дааврын хэлбэлзэлтэй энэ үед юм юманд анхаарч байх нь зөв. Харшилтай бол сэдрээхгүй байх, батгашилтаа эмчлэх зэргээр эрүүл мэнддээ анхаарснаар цаашдын эрсдэлүүдээс өөрийгөө хамгаална.
-Батганы төрлүүдийн талаар мэдээлэл өгөхгүй юу?
-Батгыг ерөнхийд нь хар болон цагаан гэж хүмүүс ойлгодог. Өсвөр насныханд хар болон цагаан батга аль аль нь тохиолдоно. Манай орны цаг уурын эрс тэрс байдлаас шалтгаалаад бактерын гаралтай батгашилт түгээмэл. Цагаан батга нярай хүүхдүүдэд ихэвчлэн тохиолддог ба өсвөр үеийнхэн, насанд хүрэгсэдэд ч тохиолддог. Энэ нь арьсны гуужилт явагдахгүй