Үерийн усанд агуулагдах эмгэг төрөгч бичил биетүүд нь халдвар үүсгэх эрсдэлтэйг НЭМҮТ-өөс санууллаа. Үерийн усанд өртсөн ил шархыг цаг алдалгүй халдваргүйжүүлж яаралтай эмнэлгийн тусламж авахыг зөвлөж байна.
Дараах бичил биетүүд арьсны ноцтой халдвар үүсгэдэг байна. Тухайлбал, Aeromonas hydrophila хэмээх бичил биет нь үерийн бохир усанд ил шархтай орсон тохиолдолд арьсан доорх холбогч эдийн үрэвсэл, буглаа, улмаар хүндэрсэн үед үхжил үүсгэгч фасцит гэж нэрлэгдэх өвчинг үүсгэдэг гэв.
