ХЗДХ-ийн сайд Х.Нямбаатар “Шувуу” ажиллагаатай холбоотой мэдээлэл өглөө. Тэрбээр Ч.Сайханбилэг, Н.Удаанжаргал нарын данс руу гүйлгээ хийж, хойноос нь санхүүжилт өгч байгаа асуудалд хэрэг нээн шалгаж байгаа гэдгийг хэллээ.
Х.Нямбаатар “”Шувуу” ажиллагааны хүрээнд гадаад улс оронд оргон зайлсан 20 гаруй хүнийг эх оронд нь авч ирж, шалгаж байна. Энэ долоо хоногт МИАТ компанийн нислэгээр тодорхой тооны хүмүүсийг авч ирэхээр төлөвлөөд БНСУ-ын хууль сахиулах байгууллагуудтай хамтран ажиллаж байна.
Ч.Сайханбилэг, Н.Удаанжаргал нарын байгаа улсуудын хууль сахиулах байгууллагуудтай тасралтгүй хамтран ажиллаж байгаа. Мөн тухайн хүмүүс рүү гүйлгээ хийж байгаа, хойноос нь санхүүжилт өгч байгаа асуудалд хэрэг бүртгэлтийн хэрэг нээн шалгаж байна. Удахгүй эдгээрт холбогдох хүн, хуулийн этгээд нь хууль зөрчиж, мөнгө угаасан бол хэрэг үүсгэх ажиллагаа явагдах байх.
Өндөр өртөгтэй улсад яаж амьдраад байна вэ гэх асуудал яригдаад байгаа шүү дээ. Авлигын болон бусад хэргүүд дээр “Шувуу” ажиллагааны хүрээнд сайн дураараа ирж байгаа хүмүүс байгаа” гэлээ.