Чех улсын Ческа Липа хотод ор сураггүй алга болсон Монгол Улсын иргэнийг эрэн хайх ажиллагааг эхлүүлээд байсан.
Тэгвэл Ческа Липа хотын цагдаагийн газраас 15:00 цагт иргэн “Ц”-ийн цогцсыг олж, эрэн хайх ажиллагааг зогсоосон байна. Монгол улсын иргэн “Ц” нь 25 настай 38 долоо хоногтой жирэмсэн байсан бөгөөд гэрээсээ гараад 50 гаруй цаг сураггүй болжээ.
Цагдаагийн газраас талийгаачийн цогцост задлан шинжилгээ хийх юм байна. Талийгаач гарахдаа гар утасгүй гарсан бөгөөд нөхөртөө “Салхилчихаад ирье” гээд гараад явсан гэж мэдээлж байв.
Мөрдөн шалгах ажиллагаа үргэлжилж байгааг Гадаад Харилцааны Яам(ГХЯ)-наас мэдээлэв.
Хувь хүний нууцтай холбоотой асуудал учир дэлгэрэнгүй мэдээлэл өгөх боломжгүй. ГХЯ-ны Консулын газар болон Монгол Улсаас Чех Улсад суугаа Элчин сайдын яамнаас талийгаачийн гэр бүлийнхэнтэй нь байнгын холбоотой ажиллаж байна гэв.
Өнөөдрийн байдлаар манай улсын 12,000 орчим иргэн Чех улсад ажиллаж, амьдарч байгаа аж
